72歲的「新加坡歌后」麗莎，70年代憑《相思淚》、《夜夜寄相思》、《百花亭之戀》等經典歌紅遍東南亞成為「粵語天后」，下月她再度在港舉行個唱。唱歌超過半世紀的麗莎曾經歷人生高低，1989年患上怪病在家昏睡11年與世隔絕，一度誤傳死訊，直至2000年康復後變肥腫難分，能重出江湖，令她倍感珍惜。採訪：方騫平

72歲的「新加坡歌后」麗莎下月在港開個唱。

麗莎來港唱歌等咗7年。

麗莎於下月8日在文化中心舉行《相思淚飛越半世情演唱會》。

麗莎於下月8日在文化中心舉行《相思淚飛越半世情演唱會》，主辦單位邀請龍婷擔任嘉賓，而fans要求她唱陳寶珠的《韆鞦姑娘》。相隔7年再下一城，她形容好期待，更坦言：「社會事件加疫情害咗我冇得唱歌7年，期間啲錢又使晒，幸得到朋友經濟支援。」

麗莎等足7年才有機會來港演出。

麗莎做過尹光演唱會嘉賓。

張偉文徒弟方俊做過她個唱表演嘉賓。

麗莎喺《流行經典50年》中和家燕姐聚頭。

麗莎喺《流行經典50年》中演出。

麗莎和主唱《往事只能回味》嘅尤雅當年都好hit。

當紅時狂蜂浪蝶埋唔到身

當年麗莎憑《相思淚》一炮而紅令全球華人認識，仲四出登台，她透露《相思淚》鮮為人知嘅小插曲：「由於歌詞到肉『情人別去後人消瘦，相思別離惹人愁…』試過有兩位失戀歌手越聽越傷心後做傻事，幸而獲救；亦試過喺東方歌劇院演出時太投入，唱到喊苦喊忽咁，有歌手以為同病相憐，拉住我追問療傷心得？」年輕時的麗莎招惹唔少狂蜂浪蝶，包括有老闆開靚車喺東方歌劇院門口等她收工：「大班人食完飯，老闆見我有啲唔舒服，仲安排埋私家看護去酒店照顧我。不過，我係乖乖女，又有經理人、媽媽及哥哥陪住冇人埋到身。」

《相思淚》一炮而紅，帶挈她四出登台。

年輕麗莎有唔少人追。

當年麗莎憑《相思淚》一炮而紅令全球華人認識。

胞兄陪伴左右護航。

她又談及在家昏睡11年經歷：「當時可能壓力太大，感覺頭重重扯到實，只能臥床休息，期間與世隔絕。因為和外界失聯長時間，一度傳出死訊。漸漸康復後經常到附近一間卡拉ok打躉，接觸返唱歌才開始回復自信心再重返歌壇，原來變咗老人家都有人欣賞。」

為珍藏唱片簽名。

麗莎喺香港有一班鐵粉。

當年麗莎唱片大受歡迎。

近年麗莎全力在新加坡湊孫女。

平日踩單車做運動。

彈琴陶冶性情。

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E