這一趟比起上一趟稍為好些,拍攝了大約8秒導演才叫Cut,相信他應該滿意兼收貨了,誰不知導演把聲音再調高8度,兼且夾集一些頗難入耳的助語詞對我們說,(你班友係咪出嚟撈架?呢場戲係講你哋睇緊艷舞呀,唔X好個個都木口木面好似死XX咁款啦,我要你哋再肉緊啲呀,總之當個舞台上面有個靚女喺度跳緊艷舞,條女除下一件,除下又一件,你班淫蟲就好似色中餓鬼,成世人都未見過女人咁,伸晒脷,流晒口水,個樣越衰越咸濕就越好,你哋明唔明呀?唔好要我NG咁多次啦,你哋知唔知啲菲林好X貴架?你哋做得唔好阻住自己又阻埋我哋收工,邊個再做得唔好我就掟佢走,明唔明白?你哋仲有無問題?無嘅話我哋就再嚟多次!)無端端比人噴到一面屁,包括我在內相信無人喜歡比人鬧,雖然大家內心都不好受,但都只是敢怒不敢言,正所謂受人二分四,份糧已經包埋要受氣,這是常識吧!其實當時令我最難受的地方,並非受到導演的指責,而是懷疑自己是否接拍了一部咸片?比啊媽知道實鬧死…..!

>>>訂閱CCUE YouTube 頻道,查看更多吃喝玩樂、生活資訊影片。

追蹤CCUE社交媒體,獲得更多吃喝玩樂生活資訊:
Instagram:https://www.instagram.com/ccue.ca/
Facebook:https://www.facebook.com/ccue.ca