多倫多

溫哥華

2018年12月14日 星期五

星座運程

實用鏈接

48歲梁小冰依然省鏡
AAA

12/6/2018 5:58:40 PM

月尾踏入49歲的梁小冰,同陳嘉輝結婚18年,育有一子陳洋溢,今年都11歲嘞!日前晚上,美魔女在尖東噴水池附近,同一位小鮮肉拍國產劇。見細細粒的小冰捱凍穿上露膊白裙非常搶眼。雖然已將近半百,但小冰笑起來仍似少女般那麼燦爛,凍齡功夫一流!

 

近排,香港開電視重播返15年港視首播即掀起話題的《導火新聞線》,皇阿媽(梁小冰飾)惡鬥方凝(周家怡飾)勁好睇,連小冰近日都話有睇返,話是她「近年一個十分喜歡嘅經典角色」。

 

《導火》嘅惡霸皇阿媽,又有得睇嘞!
《導火》嘅惡霸皇阿媽,又有得睇嘞!

 

日前,素顏小冰和55歲丈夫撐枱腳自拍,兩個都好保鮮。
日前,素顏小冰和55歲丈夫撐枱腳自拍,兩個都好保鮮。

 

早前,小冰在社交網po了她當年選港姐時的舊相,90年港姐冠軍係袁詠儀、亞軍係翁杏蘭,小冰得季軍。她寫了一段長文留言,話自己當年參選時只有20歲,是最嬌小的一個,93磅、腰圍得22吋,手腳如牙籤,全身好似皮包骨,的骰身形造就她不老傳說。

 

日前,小冰翻貼90年選美照,話當時93磅、22吋腰,穿特製加細碼泳衣。
日前,小冰翻貼90年選美照,話當時93磅、22吋腰,穿特製加細碼泳衣。

 

小冰呢個露膊造型,唔差過溫碧霞!
小冰呢個露膊造型,唔差過溫碧霞!

 

日前晚上7時,小冰和一隊操普通話的crew在尖東拍外景。見她對手是一位年約三十歲的小鮮肉,對手咁young,年近半百的小冰都頂得住。見她捱冷穿上露膊白裙拍戲。長髮飄逸齋賣靚樣,行來行去,兩take收貨。之後,她換上一條桃紅色貼身裙,要扮飲醉酒由型男扶上車。同樣兩、三take就快靚正收工,然後馬上換返件長袖衫加外套,坐車走人。

 

小冰換過桃紅色貼身裙和小鮮肉做對手戲。
小冰換過桃紅色貼身裙和小鮮肉做對手戲。

 

年近半百嘅小冰,拍埋型男身邊都襯O架!
年近半百嘅小冰,拍埋型男身邊都襯O架!

 

 

來源:巴士的報

本文僅為作者善意傳播信息之目的,並非本網站之立場,用戶請自行判斷內容之真實性。若發現文章出現問題,請聯絡我們。

最新文章

相關文章