多倫多

溫哥華

2018年12月12日 星期三

星座運程

實用鏈接

劉建民(阿牛)

劉建民(阿牛)

劉建民(阿牛)A1中文電台牛黃解讀院節目主持人,給人的印象:好色,爛賭,愛爆粗,其實他真正的性格是好靜,浪漫,又顧家,還有無限的創作力……潮牛館

騎牛搵馬
AAA

11/28/2018 10:18:22 AM

一匹(南天王)令到一個精戰沙場多年的職業賭徒手心也冒汗,無它,都是貼士累事,正所謂相信它,但又怕會是生埃,不相信它嗎?又怕真的跑了出來冇買而走寶,都不知如何是好?既然我已經選擇了相信它,那只好信到底,直至馬匹衝過終點為止!馬匹開始入閘了,我清楚記得當年此一刻的心情,而且永遠都不會忘記,當時我的心跳快到幾乎要送入醫院,我的心臟像要從我的口中跳出來似的,怎樣叫自己冷靜,不要緊張都不管用,我的不隨意肌完全不受控制,總之一句講晒,越遲開跑,我的情況越嚴重,捱多一分鐘都會嫌多,我深信如果當日這場賽事要延遲五分鐘才開跑的話,恐怕要去醫院的急症室找我,(全部馬匹準備妥當,準備,一開閘嘅時候,出得相當之齊,首先帶出嚟嘅係XXX,一個身位之後係XXX,出面騎下騎下嗰隻係XXX,再兩個身位之後嘅一對馬係XXX同XXX,之後嗰三隻由內欄數番出去係XXX,中間係XXX,最出係XXX,再一個身位之後黃衫嗰隻係XXX,隔離拍住隻XXX,包尾嘅一對馬XXX同(南天王),開始去到轉彎中間位置,次序上都冇乜點變,帶頭嘅仍然係XXX………….包尾嘅一對馬依然係XXX同(南天王),開始轉正入直路喇….)我當時心在想,轉入直路喇喎,點解隻(南天王)仲喺個尾到嘅?莫非採用留前鬥後的跑法,直路上如飛殺上贏晒?下期待續…

本文僅為作者善意傳播信息之目的,並非本網站之立場,用戶請自行判斷內容之真實性。若發現文章出現問題,請聯絡我們。

最新文章

相關文章