打工仔都想準時放工，但有網民吐苦水，指公司同事們即使完成工作，夠鐘放工仍會扮忙，不願下班，搏取表現，但其實只是留在公司吃喝玩樂。他準時下班卻被老闆怪責「點解唔幫下其他未走嘅同事」，直言「真係嘔血」。

該網民在討論區發帖，斥同事已沒有工作在身，但到了放工時間仍不願下班，「扮到好忙好多嘢做咁款，實則扮畀老闆睇，其實佢哋就喺到打牙骹，打機同食嘢。」他批評，同事們扮忙亦令部分人不敢準時放工，「死都唔會第一個走，你唔走就大家鬥等，總之睇人地走，佢哋先至拿拿臨走。」

不過，樓主沒有受同事影響，因為他要照顧家庭，完成工作後就會準時放工，但「最慘老闆buy嗰啲唔願走嘅同事，仲話我咁早收工，點解唔幫下其他未走嘅同事，冇teamwork喎，我真係嘔血」。他亦不甘因此被增加工量，又被老闆冷語，批評「簡直本末倒置」。

帖文惹來不少網民留言，大多指同事「做壞曬公司風氣」、「幫佢哋做埋， 好唔好？」另有人認為工作成效應重質不重量，建議樓主可向老闆反映：「我唔認為咁樣既工作量要加班至做得完我完成我嘅工作，準時放工有咩問題，而同事做唔曬啲嘢（扮工）加班，反而係佢哋工作效率有問題喎。希望老闆正視，檢討下你請人嘅眼光。」

資源：星島日報