曾貴為無綫一線小生的吳卓羲（Ron）除了接拍多部劇集外，也獲得不少品牌垂青，拍下多個廣告，其中以2005年一個電器品牌的電視廣告最為「經典」。Ron在廣告中說了一句「賣飛佛」（原為英文「My Favourite」），沒想到一句口號竟成為了網民多年來討論的熱話。


 

當時有很多網民批評Ron，指他所說的是港式英文，認為他的英語發音不夠標準，同時「賣飛佛」也隨即變成了潮語。


 

對於當年的「賣飛佛」事件，Ron就此回應：「呢件事就好好笑，呢個字係個老細教我講，佢話咁樣啱，出到嚟就咁。咁當年我就唔可以咁樣話個老細啦，而家間嘢都唔係度啦。咁出都係個老細OK先出，就當係一個Gimmick。」

他續指：「我覺得冇咩問題，唔係我錄條片去拍個廣告，其實仲要配條音落去，條音係我另外再錄，咁老細同埋工作人員都係度。以我嘅印象，佢唔係純正香港人，可能佢有啲口音，覺得我呢個音啱，咁就出左喇。咁當年我冇理由指住客戶個老細話係佢教我講，唔可以㗎嘛，出到嚟變咗係我自己，咁我就要承受覺得係咁嘅嘢。」


 

該電器公司於2008年10月宣布清盤，不過廣告中的「賣飛佛」一詞卻永遠在網上流傳，而Ron亦會繼續是網民心目中的「港式英語代表」。

 

來源：巴士的報

>>>訂閱CCUE YouTube 頻道，查看更多吃喝玩樂、生活資訊影片。

追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca