吳綺莉、王敏奕、林祖輝等出席ViuTV劇集《理想國》拜神儀式，事隔7年再度拍劇，吳綺莉坦言心情不太緊張，但角色有點難度，今次演出其中一個單元，與林祖輝扮演夫妻育有一個9歲兒子，更要面對兒子跳樓身亡。她說：「故事好貼地，依家真係好多case發生。我有個做社工的朋友，因為我性格好急又快，佢都勸我脾氣好啲。上個月香港統計有13個小朋友跳樓，係一個好大的啟示同警惕。」可擔心演出後有負能量？她表示不停同自己洗腦，完成拍攝後會去公園曬太陽，又認為故事提醒大人或小朋友不要衝動，任何事也有解決方法。
問到角色可會想起與女兒吳卓林的關係？吳綺莉說：「不關角色事，每件事當中也有學習，尤其呢兩年的過程係好事，係導緊我，人生如戲。」可有跟女兒卓林聯絡？她坦言好開心，早前自己有廣告推出，但不知女兒以哪些渠道得知。她說：「佢傳訊息畀我，佢話『you look well！』，我就話『Thanks！』，我覺得係一個進步，做家長那種難，細個有細個的不同處理方法，佢都差不多廿歲，大家係互相尊重要以禮相待，佢係我永遠這一世最好的朋友。」
吳綺莉坦言沒有去了解卓林在加拿大的生活，亦未有特別睇女兒的網上直播。有報道指卓林網上直播賺錢收入不多，她說：「只是睇咗題，冇深入研究，人係會改變，我會諗返自己廿歲，愛係解釋唔到唔講道理。（對女兒放手？）我覺得大家係最好的朋友，互相提點同提醒，朋友要互相尊重。」11月19日是卓林19歲生日，問到可會為女兒慶祝？她說：「睇情形，我都唔慶祝生日。（到加拿大給她驚喜？）不會，我好驚搭飛機，驚空姐同機師俾我嚇親。」對於卓林於社交網站的名字由Etta Wu改為Etta Zen，她說：「Zen其實解作禪的意思，係好小事，依家我都成日姓賴，乜都賴人。」
[caption id="attachment_522052" align="alignnone" width="704"]
王敏奕透露戲中扮演人工智能，不過以為自己是人類，但發現身邊的人只當她實驗品，當中與劉天蘭和林偲穎較多對手戲，稍後會演出一部網絡動作片，戲中有被打情節，而且角色的後期會毀容。
[caption id="attachment_522049" align="alignnone" width="704"]
來源：巴士的報
追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca
