已為人母的孫慧雪為了賺取奶粉錢，佗B時仍然努力開工卻慘被走數，雪雪指對方很無良，被激到嬲豬！

雪雪於社交網站貼出Whatsapp對話截圖，大呻被人走數欠糧：「想問咁樣係唔係已經走咗我數？ 其實每次工作我都好盡力同好爽快地完成，然而每次追數都好似我要求人咁，有試過因為爭成年，我先開口問，都被人話我Chur住追數......但我真係做咗！自問都好有禮貌呀？點解要求出糧好似我做錯咁？呢單仲要大住肚來做，我覺得咁樣都走數，真係好無良，我好嬲呀！」


網上圖片

 

不少網民也戥雪雪唔抵，著她入稟小額錢債審裁處追討，雪雪之後回覆：「好多謝大家咁關心我呀！同替我不值！其實該公司嘅前員工都同我講，話我而家Whatsapp緊嘅其實唔係佢，所以我都唔知邊個？而好多人已經中咗招，亦有好多人搵咗小額錢債向呢間公司索償，但佢哋真係同嗰啲人慢慢玩，日日上庭，就算判咗上告人勝訴，都有半年俾佢慢慢還！而佢地公司亦已經無再運作，有人話佢哋已用其他公司名，所以大家小心啲，都係簽晒文件先！或者要求deposit！謝謝！」

 

來源：星島日報

>>>訂閱CCUE YouTube 頻道，查看更多吃喝玩樂、生活資訊影片。

追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca