王浩信、唐詩詠、陳敏之、張曦雯、馮盈盈等出席新劇《解決師》發佈會，這次是他自跟太太陳自瑤爆離婚後首度現身活動，他否認傳聞，更謂恩愛如昔。


 

王浩信透露於劇中飾演「解決師」，需要幫助黑幫解決未能解決的問題，劇中亦有很多打鬥戲份。他說：「今次要打近身搏擊，比我以往拍過嘅動作場面更加驚險，易啲受傷。搵咗好兄弟伍允龍傳授伍家拳，希望拍完之後更加接近動作演員。」


 

父親節於美國登台，王浩信透露回港後一家人吃飯補祝慶節，囡囡送了他兩幅畫，感覺甜蜜。問到老婆可有送他父親節禮物？浩信笑說：「送咗個女畀我囉！（同太太關係如何？）唔屬實嘅嘢，唔回應。（恩愛如昔？）都係一樣。我唔覺得每日恩愛，係代表正常。當然都會有嗌交。」他表示一如既往，絕少於網上晒恩愛，重申不希望以家事作為娛樂話題，希望大家專注他們的工作。


 

 

來源：巴士的報

>>>訂閱CCUE YouTube 頻道，查看更多吃喝玩樂、生活資訊影片。

追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca