熊黛林（Lynn）昨日38歲生日，她今日出席鑽飾活動，透露跟家人歡度生日，小朋友一齊切蛋糕，因孖女太細個不想帶她們周圍去，加上兩夫婦剛去星加坡旅行數天，前日凌晨才返港，並謂跟老公自去年11月之後已沒再旅行。問到有否再「造人」？Lynn笑言湊兩個都未搞掂，今次離港數天很不捨得，每朝都要視像見囡囡，之前出埠工作也只離開一晚，今次沒見囡囡幾日，好掛念，現時很理解朋友所講不捨得出門的心情。

對於再追B，Lynn表示隨緣，她覺得有好多手尾，所指是產後減肥，坦言肥了50幾磅，已減掉起碼30磅以上，實際數字不知，不敢上磅，有些舊衫已穿不上，生完之後骨架撐大了，至今未回復以往做模特兒的身型，以前任何尺碼都穿到，現在要改衫。她又表示已停餵人奶，原想繼續餵，但為工作要減肥，要做運動。

問到老公郭可頌可想追囝囝？Lynn自言也覺得有囝囝都好，但順其自然，孖女現時半歲，愈來愈好玩，樣子變化大，以前家姐似她，現在只有對眼似，兩個都變了似老公。她承認湊兩個辛苦，因囡囡未可以自己坐，抱兩個辛苦過舉啞鈴，尤其兩個都身形高大，醫生也指妹妹又高又重，所以她患「媽媽手」仍未康復，但囡囡很可愛。

問到舊愛郭富城追到囝囝傳聞？Lynn大方回應：「如果真就恭喜晒。（你都要努力？）係呀，順其自然，現在有兩個（孖女）都好滿足，一次過搞掂。」

來源：巴士的報