放暑假可以話係小朋友最開心期待嘅日子,不過,陳小春應采兒寶貝仔Jasper(陳胤捷),5歲人仔就連續兩年暑假要開工搵錢,認真慘慘豬;上年做完《爸爸去哪兒5 》Jasper 火速爆紅,今季《爸爸6》更破天荒再搵小春父子檔冧莊,酬勞更有指加碼至3,500萬人仔,可愛Jasper再為爸爸媽媽賺近半億收入,超級威威!

 

[caption id="attachment_496223" align="aligncenter" width="600"]
■ 小春子在《爸爸5》首曝光,贏盡民心人人讚可愛。[/caption]

 

[caption id="attachment_496222" align="aligncenter" width="686"]
■ 《爸爸5》拍攝初期Jasper就試過辛苦到扭計狂喊,又經常攰到喺車度瞓著, 拍攝對當時僅得4歲的Jasper來說明顯好吃力![/caption]

 

不過為搵錢Jasper 吃盡苦頭,上次已經到經常瞌眼瞓兼爆喊,日前小春帶住兒子去到稻城縣青藏海拔高原拍攝, Jasper就一度捱唔住缺氧要狂吸氧氣治療,辛苦搵命博,網民大嘆睇見都心噏!

 

被人仔打動

四歲之前一直將兒子收收埋埋,上年陳小春應采兒首度讓兒子Jasper萌樣曝光,參演中國親子真人騷《爸爸去哪兒5》,有指兩人被高達2500萬人仔酬勞打動,就連應采兒在拍攝初期,亦表示好擔心老公小春唔識同兒子相處;幸好,小小年紀的Jasper表現淡定,暖男形象極速俘虜大批觀眾心,成為新一代熱爆明星仔,拍攝尾聲觀眾都紛紛表示唔捨得,不過眼見兒子辛苦捱足三個月,應采兒已落閘表示拍完最後一集《爸爸5》,會讓兒子休息專心學業,點知言猶在耳,今季《爸爸6》開錄,小春又再帶著兒子Jasper加入真人騷,雖然有唔少觀眾大表驚喜,不過亦有反對聲音,不少網民留言質疑話:「唔係話過唔再做咩!」

 

首位藝人冧莊

一度有傳周杰倫會帶同兒子上陣參與《爸爸去哪兒6》,但最終周董冇影,一班爸爸陣容更是歷年最弱一次,湖南衞視為加強吸引力,開出天價引小春父子檔回歸助陣,更成首位藝人可以冧莊再拍。

 

[caption id="attachment_496219" align="aligncenter" width="659"]
■ 《爸爸去哪兒 6》7月9日在寧夏銀川開錄,有市民捕獲小春帶兒子Jasper回歸![/caption]

 

據知情者透露:「見之前個仔上山下海咁辛苦,本來丁丁(應釆兒)講過唔再畀Jasper演出,想個仔過番小朋友簡單嘅生活,不過《爸爸 6》嗰邊開到天價畀小春,嚿錢真係好吸引,加上拍完《爸爸5》,丁丁覺得個仔學識咗獨立,小春父子感情更加好,係一次好難得嘅經驗,佢覺得再拍個仔都可以應付,就趁Jasper上小學前再畀佢拍多一次。」

 

差點暈倒

不過,日前拍攝第二站,就去到青藏高原東南部海拔3,753公尺的稻城拍攝,位處高海拔隨時會有高山反應,大人都未必捱得住,何況是5歲的Jasper,拍攝途中Jasper一度缺氧差點暈倒,好彩吸完氧氣休息一陣就冇事,可以繼續進行拍攝。

 

[caption id="attachment_496218" align="aligncenter" width="601"]
■ 日前一站去到稻城縣青藏高原拍攝,因未能適應高山的環境,Jasper一度不適要吸氧氣,挨住外婆、外公雙眼合上帶著氧氣罩的Jasper狀甚辛苦。[/caption]

 

唔知係咪開心得太早,日前應采兒就在社交網晒出小春同Jasper吸氧氣照片,還留言:「爸爸去哪兒第六季第二站稻城順利結束,海拔比較高、小孩子適應力比較強!」一心諗住大讚寶貝仔,點知引發網民激烈反應,紛紛留言鬧爆兩公婆為賺錢要兒子受苦,又鬧佢哋冇常識,高山反應因人而異,隨時有生命危險,紛紛替Jasper的安危擔心。應采兒為平息民憤火速將照片刪除。

 

派父母幫手

事實上從相片所見Jasper明顯已經體力透支,加上位處高原而缺氧,辛苦到要挨住外婆閉目狂吸氧氣治療,難免令一眾愛錫Jasper網民擔心。但其實媽媽應釆兒對兒子接受考驗都好緊張,當得知今季要去高原拍攝,已經好擔心兒子捱唔住。

 

[caption id="attachment_496221" align="aligncenter" width="680"]
■ 青藏高原空氣稀薄,平日活潑蹦蹦跳的Jasper亦攰到不時要小春抱住行,看來行程相當辛苦![/caption]

 

據知情者透露:「因為丁丁呢排要趕戲行唔開,佢又擔心小春一個人照顧唔到Jasper,已經叫埋父母過去幫手,不過始終天氣早晚溫差大,加上拍攝時間長,大人都未必頂得順,其實Jasper好多時都唔係咁舒服,成日要爸爸小春抱住行,唔似得上一季咁活潑!」

 

[caption id="attachment_496217" align="aligncenter" width="648"]
■ 高原地帶空氣稀薄,加上長時間拍攝休息不足,就算小春都係辛苦死撐,亦試過要吸氧氣頂住,何況5歲的Jasper。[/caption]

拍一季就賺一間豪宅,酬勞的確好吸引,不過,依家先去到第二站已經咁辛苦,真怕5歲Jasper會捱壞身體,到時真係多多錢都補唔番!

 

高山症可大可小

由於在高原地帶空氣稀薄,如果疲勞過度或身體虛弱容易引發高山症,嚴重者更會休克,情況可大可小。

 

許冠傑:

1985年許冠傑遠赴尼泊爾拍攝電影《衛斯理傳奇》,於8,000尺高地拍外景,因缺氧患上高山症及肺炎,返港休息治療接近一個月。

 

陳法蓉:

2016年陳法蓉在西藏拉薩拍攝中國電影《駐藏大臣》,由於西藏位於高原,Monica曾出現高山反應和休克。

 

資源:星島i 情報

>>>訂閱CCUE YouTube 頻道,查看更多吃喝玩樂、生活資訊影片。

追蹤CCUE社交媒體,獲得更多吃喝玩樂生活資訊:
Instagram:https://www.instagram.com/ccue.ca/
Facebook:https://www.facebook.com/ccue.ca
TAGS Jasper 應采兒 陳小春