由「索腿天后」到成為媽媽，陳敏之家庭工作兩邊走，新手媽媽不易做，她亦不介意犧牲睡眠時間努力學湊B：「可以睡三至四小時已是奢侈的事。」她坦言囝囝再大一些，自己外出工作時會更加不捨，由於不是全職媽媽，要好好安排時間。



去年冬至剖腹誕下囝囝雷子樂的陳敏之坦言湊B比生B辛苦：「好高深嘅學問，除咗冇得瞓之外，係唔知BB幾時點樣係幾難handle，又要摸索佢性格，暫時揣摩緊做新手媽媽。（每日瞓到幾多個鐘？）佢每幾個鐘頭要餵一次奶，有時候成功啲就喺佢飲完奶會早啲瞓，佢唔瞓時就玩死我哋，要抱住佢或者同佢玩。」她笑言如果可以睡三至四小時已是奢侈的事。

[caption id="attachment_291924" align="alignnone" width="500"]
陳敏之雖然想生多個，但湊一個已好忙，等囝囝大些再考慮。[/caption]

初生嬰兒要全天候照顧，敏之說老公William通常凌晨至上午負責照顧囝囝，一手一腳包辦換片，餵奶及掃風等。問到BB現在較像誰時，敏之即嘆氣說：「爸爸。但其實都好，我老公係靚仔。」她直言有少許失望，但囝囝手長腳長和頭髮較多比較似她，又笑謂其他人見到囝囝都會叫作他做「翻版William」。

敏之表示成為媽媽已踏進人生新的另一頁，一切事情以囝囝行先：「以前二人世界，而家冇得瞓，生完BB要服侍佢好多嘢。」她謂每次外出工作都不捨得BB，要慢慢適應：「始終我唔係全職媽媽，生之前都知道自己會做返嘢，要有心理準備唔捨得。而家科技先進，我可以透過視像見到BB，同埋我一收工係3秒9返去，所以都應該OK。」敏之指囝囝未認得她，擔心他再大些時會攬住她不讓她離家，到時喊的反而會是她。至於會否減少工作多些時間陪兒子，她稱會適當調節，亦相信無綫會錫住她，會有好好的安排。


來源：巴士的報

>>>訂閱CCUE YouTube 頻道，查看更多吃喝玩樂、生活資訊影片。

追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca
TAGS 陳敏之