前Boy'z成員關智斌(Kenny)和張致恆(Steven)早前合體為老友張敬軒的個唱做嘉賓,勾起了眾多90後的集體回憶,兩人更宣布會合體開騷,令歌迷引頸以待。而Kenny趁大家的情仍未平復之際,晒出當年Boy'z的「性感」寫真,大派重手「福利」!


 

 

Kenny日前在社交平台分享了Boy's於2003年推出的露肉寫真集《Boy'z 2gather》內的精選照片,當年兩人和攝影團隊赴泰國影靚相,盡騷兩位青澀少年的隨性和陽光一面。寫真集中有兩人的半裸「床照」、濕身泳照,Steven更出動了真空魚網衫,認真夠搏,簡直可媲美0靚模的性感寫真!


 

 

回看當年的自己,相信Kenny與網民同樣感到震驚,他留言:「多謝你們最近也不停勾起我的回憶,所以突然想到從書櫃深處找回這一本寫真集...#笑到我呢 #當年點解會有勇氣咁做 #兩個排骨仔 #有人係曾經瘦過 #當年係男子寫真銷量第一 #因為係唯一一本 #好人好姐邊個會去影呀 #一定都係mani吩咐 #雄風pose加埋個咀一定要搵啲嘢咬 #魚網衫 #睡床半裸惺忪眼」


 

 

大批網民看後紛紛表示「童年回憶返晒嚟」,留言:「話說我細個將你喺床上捽眼嗰張相print到好大張,黐喺床上嘅天花」、「救命!瘦到慘不忍睹」「個樣好似比人逼良為娼」、「雖然從小都係迷Kenny BB,但原來Steven都正過!」


 

 

 

來源:巴士的報

>>>訂閱CCUE YouTube 頻道,查看更多吃喝玩樂、生活資訊影片。

追蹤CCUE社交媒體,獲得更多吃喝玩樂生活資訊:
Instagram:https://www.instagram.com/ccue.ca/
Facebook:https://www.facebook.com/ccue.ca