提到日本, 香港人總是百去不厭, 陳山聰兄嫂李碧君(Sophie)亦不例外,早前與老公陳山海再度「回鄉」,喪玩十六日,由北海道玩到落東京,再由溪流玩到上山頂。兩個「行山之友」更挑戰登上海拔3,776米高的富士山,花近八小時,終於成功攻頂,不禁直呼amazing!「上到山頂嗰一刻真係好奇妙,啲雲海全部啲我腳下,周圍都係白濛濛一片,太陽就我面前,感覺好夢幻、好難忘,我已經計劃出年再去挑戰過!」

[caption id="attachment_498797" align="aligncenter" width="715"]
■ 兩人到達逾三千七百多米高的山頂,飽覽富士山下景色和日出,「舊年我已經好想行富士山,但得一個星期唔夠時間準備,今年終於得咗。」[/caption]

 

體能大挑戰

首次與老公登富士山的李碧君,早在四月已開始做準備,「我四月已經book好山屋,開始鍛煉體能,盡量食多啲飯,等身體多啲糖份。出發前一日瞓足十二個鐘,又食定藥,希望唔好出現高山反應;仲要帶備足嘅水、食物、禦寒衣物、頭燈和手套等,加加埋埋個背囊有成十公斤重。」

 

[caption id="attachment_498799" align="aligncenter" width="665"]
■ 他們於八合目白雲莊休息不到三小時,便要連夜起程趕路攻頂欣賞日出:「日四點半日出,本來打算兩點先起身,點知一點已經被其他旅客嘈醒咗,嗰山頂等日出時真係又凍又大風。」[/caption]

 

四條登山路線中,他們選擇由吉田口出發,行了兩公里到五合目,中午十二點才正式上山。「我有甲狀腺亢進,唔可以俾心臟跳得咁快,所以咩都要慢慢嚟。富士山前半段都係碎砂石路,啲路又斜,好多時都要手腳並用。而且天氣變化好快,一時落雨,一時大霧,一時好大風,一時又出太陽,溫差好
大,足足用咗七個鐘零四十五分鐘先到達山頂。」

[caption id="attachment_498798" align="aligncenter" width="616"]
■ 他們於八合目白雲莊休息不到三小時,便要連夜起程趕路攻頂欣賞日出:「日四點半日出,本來打算兩點先起身,點知一點已經被其他旅客嘈醒咗,嗰山頂等日出時真係又凍又大風。」[/caption]

 

[caption id="attachment_498801" align="aligncenter" width="573"]
■ 上午山上氣溫只有十度,她笑言要以「洋蔥着衫法」,着定幾層衣服,配合天氣變化,隨時可加可減。[/caption]

 

上得富士山,十居其九都是為了睇日出。兩公婆為捕捉美景,於山上小屋住宿一晚,再連夜趕路。「我哋瞓三個鐘,零晨一點就要起身,準備再行一個鐘上山睇日出。周圍環境好黑、天氣又凍,仲要唔夠瞓,都咪話唔辛苦,不過睇到日出嗰一刻,幾辛苦都值得。」

 

[caption id="attachment_498800" align="aligncenter" width="515"]
■ 他們選擇最熱門的吉田口路線出發,適合初次登富士山人士挑戰。[/caption]

 

[caption id="attachment_498802" align="aligncenter" width="597"]
■ 登上富士山時,沿途空氣變得稀薄,為免出現高山症,她特地帶備登山氧氣瓶,防止缺氧。[/caption]

 

李碧君直言,上山容易落山難,落山才是真正的體能挑戰。「落山啲路係Z形,行多好多路,啲砂石又鬆又軟,好難行,又無補給站。行到最後兩公里,我攰到行唔郁,要老公幫我揹埋個背囊走,最終用咗六個幾鐘先落返山,真係好攞命!」

 

北海道熱身

李碧君和老公都熱愛行山,挑戰行3,776米高的富士山前,他們先到只有618米高的北海道惠山作熱身。

 

[caption id="attachment_498804" align="aligncenter" width="679"]
▲ 到達北海道惠山後,李碧君直言後悔無着長袖衫防曬:「出發時因為落雨,所以諗住到此一遊,點知去到陽光普照,最辛苦係因為着咗背心,行山應該着長袖衫防曬。」[/caption]

 

「惠山其實唔難行,但特別在佢係一個活火山,可以行到火山山頂,見到火山口嘅煙噴出嚟,感覺好特別。以前我去紐西蘭,要坐直升機先有機會睇到火山,今次直情可以近距離接觸,所以嗰日熱到有啲中暑嘅感覺。」

 

 

 

玩完北海道,兩人再前往青森,走入叢林,置身在奧入瀨溪流,欣賞壯觀的瀑布。「奧入瀨溪流全長有十四公里,沿途有無數個瀑布,環境非常優美,咁啱嗰日落雨,天氣都幾凍,而且兩日前先有遊客發現有熊嘅蹤跡,所以沿途都特別小心,但最終都因為怕危險,放棄挑戰行畢全程,中途乖乖搭巴士返酒店。」

 

[caption id="attachment_498807" align="aligncenter" width="638"]
▲黃金崎不老不死溫泉臨海建造,泥黃色泉水是其招牌,可男女同浴,女性怕醜,可以包住毛巾浸。[/caption]

 

既要攀山,又入叢林,故李碧君特地安排到黃金崎不老不死溫泉,舒解連日來的疲勞。「呢個露天溫泉好出名,同個海幾乎係零距離,而且係男女混浴,可以同老公一齊浸。如果怕醜,溫泉係俾女士包住毛巾落水,或者直情去浸女湯都得。

 

 

[caption id="attachment_498809" align="aligncenter" width="663"]
▲他們入往多晚溫泉酒店,一泊兩食每人盛惠約千二港元,可享用青森名產海鮮宴食,當中以久六島鮑魚及北海道毛蟹最為吸引。[/caption]

 

「點知浸完溫泉後嘅第二日,因為啲海浪太大,海水浸咗個溫泉,要封咗個露天溫泉清理幾日,我哋真係好好彩!」有得遠離煩囂,親親大自然,享受醉人美景,又點會對日本生厭!

 

資源:星島周刊

>>>訂閱CCUE YouTube 頻道,查看更多吃喝玩樂、生活資訊影片。

追蹤CCUE社交媒體,獲得更多吃喝玩樂生活資訊:
Instagram:https://www.instagram.com/ccue.ca/
Facebook:https://www.facebook.com/ccue.ca
TAGS 富士山