導演叫全世界準備,3….2…1….Roll機……!誰不知拍了5秒都未夠,導演便大聲叫Cut……!!!!!!!   嘩,咁快就收得工,睇嚟呢舊錢真係幾易賺喎!我人生中第一部大電影就這樣完成了,咪住先….有問題!因為導演有說話要講,(你班友可唔可以認真啲呀?個個都無神無戲嘅?)由於這是我的第一次,表情較為生硬一些在所難免,不過我相信除了我之外,表情保守的人亦大有人在,導演把聲線調高了八度對我們說,(你們的表情要誇張一點才可以,認真一些,不要當玩OK?我們再來一次!唉!仲以為已經拍完收得工添,我暫且把那句(睇嚟呢舊錢真係幾易賺喎)收番先, 導演又再次叫全世界準備,3….2…1….Roll機,這一次我真的很比心機去做,我一定要盡量滿足導演的要求,更希望可以得到導演的垂青,萬一唔覺意比導演看中,說不定會捧我做明星?又或者下一部戲會安排一個小角色比我玩下都唔定呢?請大家不要見笑,當時的我還是小朋友一名,思想較為幼稚和膚淺亦很正常,認真想一想,其實我跟之前和我聊天的幾名臨時演員有什麼分別呢?

>>>訂閱CCUE YouTube 頻道,查看更多吃喝玩樂、生活資訊影片。

追蹤CCUE社交媒體,獲得更多吃喝玩樂生活資訊:
Instagram:https://www.instagram.com/ccue.ca/
Facebook:https://www.facebook.com/ccue.ca