昨日提到,很多年前我和父親到活拜馬場搏殺,其實我當日頗有信心會有錢贏,因為馬匹行圈時我很容易就已經揀到幾匹心水馬,滿以為這趟就算贏不到免費旅行,最少也有餐馬會請的免費飯,可惜當日我的手風非常不順,頭頭碰着黑,我買獨贏牠就跑位置,我買位置牠就跑到連影都冇,買三重彩一場就中膽唔中腳,一係就中晒的腳就無咗隻膽,總之點買都唔比你收錢,跑了八場馬,我一毫子都無收過,搞到我谷鬼氣喺第九場將全部出賽的參戰馬都買晒獨贏,我看你這一趟怎樣能夠令我無錢收?!當日第九場出馬總共9匹,熱門佔了5匹,賠率由3.2倍至5倍不等,有兩匹馬一隻6倍,另一隻12倍,最冷的兩匹一隻22倍,一隻50倍,以每匹馬都買$2元獨贏計算,該場馬我總共買了$18元,換句說話來講,呢場如果由那5匹熱門馬任何一匹勝出,有錢收我都肯定會輸錢,就算頭馬是那匹6倍馬,我都一樣輸,只是輸得無咁金罷了!結果該場馬由頂頭大熱勝出,屈指一算!除了本錢都仲要輸十多元!我發過誓!這個非常呆笨和老襯的玩法,只此一次,下不違例,正所謂沒有最衰,只有更衰…好戲還有後頭呢!

>>>訂閱CCUE YouTube 頻道，查看更多吃喝玩樂、生活資訊影片。

追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca