男主外女主內是中國傳統家庭觀念，至今仍有不少家庭跟隨這一套。最近一名丈夫在網上呻，太太因想照顧兩歲兒子，做全職媽媽，但發現不少家務未處理好需「執手尾」，呻「忙完外面忙屋企」致身心疲累。言論一出隨即引起網民狂鬧，指丈夫不了解太太辛苦，認為即使月入7萬，但「點都係女人做多啲喎」。

三十而立的丈夫月入七萬元，家有妻子育有一名兩歲兒子，是一個幸福家庭，但「有了BB後，老婆話唔想工作就一直在家，原想她在家相夫教子把家打理好都幾好，於是同意了」。

一切安排看似美滿，「但時間一長，發現她連家裏的事都搞不定，好多事情都要讓我來處理，頓時覺得好累…有時忍不住對她發脾氣，她又哭哭啼啼，好委屈的樣子，最後還得讓我來哄她，老婆幫不上手，原來男人真的會很辛苦，忙完外面忙屋企，一刻唔得閒…」他續指：「已經有請姐姐，但都有其他事情，譬如bb同理財等好多方面，咩都要等我來處理，心累」。

言論一出隨即引起網民聲討，批評該名丈夫不理解媽媽的辛苦，「湊仔係24小時無休息，返工當你12小時，家務平分，咁都係女人做多啲喎，你試下瞓覺唔可以一次過瞓足，要分幾次瞓，仲要日日係咁，就明白咩叫有瞓等於無瞓」、「老婆係娶返嚟錫，唔係娶返嚟做工人，你估湊仔唔辛苦架?」

不過亦有網民「同情」丈夫，「好易，叫老婆出去搵七皮嘢，返黎仲要湊仔管財政找埋水電煤差餉管理費上網加家居維修睇嚇」。

亦有網民認為是社會價值觀問題，「所以做女人打死都係要半工湊仔，好多時湊仔唔易，但又冇實質嘢去證明你有付出，大家只會睇到你搵幾錢人工返屋企，咁就最明顯嘅證據，既然係咁不如去幫手賺錢，對方有唔滿意都起碼證明自己唔係零付出」。

來源：星島日報