買糖也要計營養？有糖果店老闆於社交平台公審，有怪獸家長投訴店內沒有出售蔬果味糖果，反問店家其兒子如何吸收營養！



該名糖果店老闆向社交平台專頁投稿，指日前遇到一名港媽一入店鋪即大呼「叫你老細出嚟」，又指「上次我個仔幫襯你哋，夾咗袋糖，但全部都係糖，綠色嗰啲又無蔬果味，我個仔點可以吸收到營養啊？你知唔知佢會食壞肚架！」。

老闆無奈解釋，綠色糖果有多種口味，但主要成份是糖果而非蔬果，又建議「不如試下畀多啲菜同生果小朋友食？」惟港媽聞言立即拍枱怒斥：「你咩態度啊？我點湊仔唔使你教，你叫你老細畀個交代嚟！」

 

老闆見狀只好致電另一名同事，對方得悉事件後，以粗口大罵該名港媽，「喂你老x呀！你估我好得閒啊，你個仔唔食菜關我X事，仲要係度寸寸拱玩寸我個場？你點做人老母啊你，寧願畀糖自己個仔食都唔買菜，知唔知個醜字點寫啊？」對方說罷更乾淨利落地收線，絲毫不留面子。

 

港媽繼續怒斥，「cut我線？你老細係咪開門做生意啊？咁都唔識應對」，惟樓主一句「我老細係就係開門做生意，但明顯係唔做你生意囉」打敗對方，港媽最終在眾人的目光下離開。

 

帖文引發不少網民討論，有人留言稱「食糖仲要講營養？咁不如唔好食啦！另外，真心覺得個老細罵得好！」、「蔬菜味糖就真係用蔬菜做嘅咩...豬豬」、「真係好痴線！想食菜就買菜啦！買乜X嘢糖呀！」、「去夾糖店想夾菜呀？」

 

來源：巴士的報

>>>訂閱CCUE YouTube 頻道，查看更多吃喝玩樂、生活資訊影片。

追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca