姐姐萌萌（右）、妹妹咩咩（左）。網上圖片

去年台灣高雄幼稚園一個2歲女童萌萌被媽媽打扮成電影《千與千尋》中的「無臉男」，網上爆紅，更成立專頁「萌萌&咩咩(小小無臉男)」。今年萌萌在萬聖節又搞搞新意思，用《死亡筆記》死神流克造型現身，比去年更加「趣怪」。

 

今年萌萌更以姊妹檔登場，萌萌就打扮成死神，妹妹咩咩就扮L，似模似樣。一開始媽媽問萌萌，「你確定要扮成死神，很恐怖耶」，但萌萌一於無有怕答媽媽「要很恐怖！」於是為逼真起見，萌萌準備埋黑羽毛、皮帶、蘋果以及假菠蘿，前後花3個鐘縫製羽毛裝，仲2次試衫先完成。

萌萌媽表示，咩咩原本好抗拒化妝，花好多時間溝通，但試妝後照鏡後都覺得幾得意，造型就係著白衫、畫黑眼圈，手執波板糖上陣。

不過萌萌依身造型雖然得到啲網民爆讚，「媽媽這樣做會讓我很期待明年萬聖節耶」，但似乎得唔到同學的歡心，可能因爲太神似，同舊年一樣同學仔見到都唔敢行近，咩咩更當場嚇到喊。

>>>訂閱CCUE YouTube 頻道，查看更多吃喝玩樂、生活資訊影片。

追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca