遺失珍而重之的物品，若能夠失而復得當然是最好不過。大埔有街坊過去兩個月拾獲3部手提電話，最近一次是在巴士上發現，遂發帖尋機主，並搞笑地表示，「呢3位幸運兒， 恭喜你哋啦！又係落喺我手上」。樓主最後再成功將電話交還失主，並透露自己曾遺失物品，但有幸失而復得，「所以好清楚失去嘅感覺」。有網民大讚樓主有善心，笑言「原來跌電話個人都可以好好彩，好彩在因為被你執到」。


 


網民ArSamsamsam Lam在facebook群組「Tai Po 大埔」發帖表示，乘搭巴士時拾獲一部手提電話，笑指「好癲呀！兩個月執3部電話，呢3位幸運兒，恭喜你哋啦，又係落喺我嘅手上啦！打畀我約我拎返啦孩子，下次搭巴士小心啲，唔見咗之後係咪諗起入面啲嘢好珍貴呢？明嘅明嘅」。


 

不少網民在帖文留言，大讚樓主路不拾遺的行為，「好善心」、「嘉許樓主」，樓主則回覆謙稱，「將心比己啦！那些年我唔見床單都係人哋令我失而復得，所以我好清楚失去咗嘅感覺」。


 

樓主其後表示，已將電話交還機主，並指對方原來是他所乘搭巴士的車長，但樓主因為拾獲電話後便下車，後來收到司機家人來電才得知。樓主最後將電話交給下一班車的車長，帶回站頭，待機主到站頭取回。

 

 

來源：巴士的報

>>>訂閱CCUE YouTube 頻道，查看更多吃喝玩樂、生活資訊影片。

追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca