無綫新聞部多年來盛產靚女新聞主播，大多更被網民封為女神，例如陳嘉倩、黃婉曼、鄭萃雯、周嘉儀等，可惜都已經相繼離巢。

有人辭官歸故里，就有人漏夜趕科場，一直頗有觀眾緣的新聞小花陳嘉欣，因一直聽教聽話又沒有離心，最近終獲高層賞識，正式榮升「新聞部一姐」，更在新聞部宣傳片中，以一姐身份示人，除在片中首個鏡頭講話，更獲安排坐在主播席拍攝，身後的大班同事隨即成為佈景板，連總首席主播張文采亦要靠邊站。

無綫新聞部宣傳片第一個鏡頭，高層安排一班同事站在陳嘉欣背後做人肉佈景板，亦只得她有對白，足證其一姐地位。

現年33歲的嘉欣BB，於2005年畢業於香港大學商學院，後入職報紙出任港聞版記者，於2011年初轉投無綫新聞出任港聞記者，一直備受重用，更獲無綫新聞部高層賜予「總記者」的職銜，據悉此稱謂在之前從未出現過。

現在的陳嘉欣體形纖瘦，但原來她未入行前，肥嘟嘟非常好肉地，手臂還頗為粗壯。

據知情者坦言：「原本公司睇好另外幾個人，好似陳嘉倩、鄭萃雯等，但佢哋一個一個走，青黃不接，咁佢（陳嘉欣）出名成隻牛咁又捱得，最緊要好聽話，又無乜是非，永不say no，所以最後升佢。」

嘉欣BB的上位之路看似一帆風順，但背後另有內情。據知，昔日張文采、黃紫盈等明爭暗鬥，令高層非常生氣，最終鷸蚌相爭，漁人得利，沒有主播經驗的嘉欣BB才由記者升做主播。隨後幾年，一班阿姐級人馬相繼離職，例如鄭萃雯懷孕、陳嘉倩離開進修，令陳嘉欣變相「冷手執個熱煎堆」。

除了事業得意，陳嘉欣的感情生活亦順風順水，據知一直低調拍拖的她，與年輕三歲、現為見習律師的劉晉安在無綫新聞部做同事時，因朝夕相對而擦出愛火花，至今仍熱戀中，未知姊弟戀何時開花結果？

陳嘉欣與劉晉安拍拖初期，同事間會讓路給二人一同出勤，而他們就多次一同到長洲報道搶包山。

來源：巴士的報