與朋友去旅行理應是一件賞心樂事,但做朋友和旅伴不同,一些細微習慣和行為足以摧毀一個旅程。有網民選出朋友旅程時的討厭行為,包括不準時出門、太污穢、斤斤計較以及「百彈齋主」等,揚言下次旅行「有佢無我」。

 

有網民於「連登」討論區發文,列出「同行友人做咗乜事令你唔想再同佢去旅行」,隨即吸引大批網民留言,朋友令人厭惡的行為,主要分為數大類別,首先是不準時,「話要搭早啲個班車貪佢平啲,叫我地全村人早起身,結果得佢一個起唔到身仲趕唔到車,之後全程X面;同埋晚機返香港,去機場前要去買嘢,本身都叫佢唔好買,佢又話好快買完,結果去到機場個時check in counter關咗,佢又冇online check in所以miss咗班機」。

 

遇到「百彈齋主」亦是旅行時最掃興的事,有網民呻朋友像有公主病一樣,有彈無讚,「去邊度玩都話悶,食咩都話一般般或者垃圾,成程只識係度怨,但編行程又唔俾意見話是但,訂機票酒店整簽證又係得我搞,完全冇幫過手。」亦有網民嫌朋友太污穢,「佢係女仔,話酒店廁所污穢,無影櫈柯尿,但滴咗啲尿係廁板唔抹;唔俾人執房,垃圾又唔自己清出房門」。

 

另外就是「極級慳家王」,雖然說節儉是美德,但去旅行總難免會比平日「食豪啲買豪啲」,有網民呻朋友去旅行一元都計到足,斤斤計較,買貴衫更全程黑面,非常無癮,「去日本,連一元都要計到足,去韓國,話人氣多士貴,唔食多士要去便利店買嘢食;近近地去深圳,係東門買咗件34蚊人仔嘅衫,後來見到其他地方賣29,即黑面黑足全程」。

 
>>>訂閱CCUE YouTube 頻道,查看更多吃喝玩樂、生活資訊影片。

追蹤CCUE社交媒體,獲得更多吃喝玩樂生活資訊:
Instagram:https://www.instagram.com/ccue.ca/
Facebook:https://www.facebook.com/ccue.ca