俗語有云「兄弟如手足，老婆如衣服」，認為男人間的友情，比愛情更經得起考驗，但實情是否如此？有網民稱三年前被兄弟「撬牆腳」反面，近日收到結婚喜帖，對方稱「廿年友情好難得，唔想就咁無咗」，問網民應如何應對。

收到死黨「紅色炸彈」本應替他高興，但事主指，三年前與女友冷戰，全靠認識二十年的死黨協助調停解，兩人才重修舊好，但好景不常：「幾個月後，條女突然間話分手，我個死黨再話幫我手，但幫唔到啲乜。」

情侶分手，兄弟陪伴左右乃平常事，事主說：「死黨仲陪我飲天光，我果晚好慶幸冇咗條女，但自己仲有呢個好朋友，真兄弟。」但原來最信任的人反而傷害最深：「一個月後，死黨開始唔係好理我，約佢睇波都唔去，最後我無意中喺街度撞到佢....同埋我條女，佢哋拖住手，笑得好開心咁，我先知道，原來我俾個死黨出賣咗。」兩兄弟更為此事打交，直言「廿年友情就咁斷咗」。

一時間失去女朋友和死黨，令事主一度萬念俱灰：「我過咗三年之後嘅今日，都慢慢放低，但開信箱果陣竟然發現有張喜帖，哈，嗰兩個人竟然結婚，仲派帖俾我，佢仲寫咗張紙仔叫我原諒佢，話廿年友情好難得，唔想就咁無咗。」

面對如此難題，他在討論區發文求助：「大家覺得我應該點做？去佢哋婚禮再玩殘佢哋？可以點玩法？定係完全唔應唔去就算？定係應該好大方咁原諒佢哋再祝福佢哋？」

有網民認為應祝福一對新人，不應帶仇恨看待兩名曾在生命中最重要的人：「呢兩個都曾經係對你好重要嘅人，如果佢地真係適合對方，點解唔原諒同祝福曾經嘅愛人同兄弟？如果你繼續仇恨落去，只會繼續帶住條刺過生活，就如你之前幾年一樣」、「我相信佢係呢幾年，都好介意呢件事。我相信佢請你飲，唔係想令你難堪，而真係唔想冇咗個兄弟。你易地而處，諗下佢踏出呢一步，真係需要勇氣。」

來源：巴士的報