在黃大仙經營生果檔的林先生近日在facebook發帖，分享牛油果的小知識，帖文上載4日已有逾4000人讚好，超過1800人轉發。他說，行內人會將牛油果分「船頭」和「飛機」，船頭是用船運送經急凍過的牛油果，由於牛油果主要產地大多為中南美洲：墨西哥、智利、厄瓜多爾和美國，運輸成本很高，故此一般只用船運。

林先生續指，急凍過的水果一般都會「雪死咗」，又名「死肉水果」，沒有生命力，「所謂等佢熟其實只係等緊佢腐爛」，故此一切開就會呈黑肉黑絲現狀，一般保存期只有2至3日，雪水一過便開始腐爛。他說，船頭牛油果一般有半數以上出現這情況，「如果熟透切出來無問題純粹係好彩」。

至於飛機運送的牛油果，同樣雪過保存，但一般都不會雪壞，可算是「活水果」，有生命力，「可以等到佢慢慢變熟，如果質素高可以放成個星期，就算變得再熟，成隻黑晒，切出來都唔會有黑肉、黑絲嘅問題」。

不過，林先生坦言，除大型超市外，市面買到的牛油果大都是船頭，因為利潤問題，「飛機牛油果成本每隻一定HKD10以上，HKD10返來如果賣HKD12基本都叫無咩錢賺」，而且「賣得好慢好慢，一日都賣唔到一箱」。相反，一份4至5隻的船頭牛油果則只需賣HKD20，「每隻賺嘅錢比飛機更多，又好賣好多」，客人始終會選擇較抵賣的船頭牛油果。

他慨嘆，父親以前亦售賣船頭牛油果，但不時接到客人投訴，現時亦轉售飛機牛油果，但銷量「可以用慘痛去形容」，「唯一開心係每次有客人返來同我講，成條街真係得你呢檔牛油果先食得，同點切出來都無問題」，才能換取滿足感。

來源：星島日報