2010年港姐冠軍陳庭欣（Toby），前年才被指以「第三者」身份，戀上有米大狀唐偉倫（Warren），而近日她又被爆已結束這段兩年情，與彩豐行老闆楊振源（Benny）撻着，更疑昆硬搶曾介入周永恆和趙頌茹婚姻的劉依靜（Ruby）男友。Toby坦白承認跟Benny正在發展中，又指近日「食咗好多死貓」，強調彼此是回復單身後才開始，目前相處得「好開心」。

據《東周刊》報道，雖然新歡Benny結過婚，育有兩子，又曾跟孫慧雪拍過拖，但亦不損他「筍盤」的地位，因為現年只有40歲的他已白手興家坐擁億萬資產，難免惹來外界揣測。據悉，Toby之所以能夠攻陷這位億萬富商，全靠使出「窩心計」！

向來不愛公開提及感情事的Benny，跟Toby拍拖後，鮮有於社交網發表過「愛的宣言」，雖然很快便把留言刪除，但卻把感情狀態設為「戀愛中」。而Benny之所以如此迅速情陷Toby，其中一個原因，是Toby自去年開始，已不時在社交網自動波為彩豐行圖文並茂「賣廣告」，表現窩心，正合Benny心意；另一個主要原因，則是欣賞她夠孝順。

有知情者指：「Benny自細同父母感情好好，所以就算幾年前離咗婚，佢依然好重視同兩個仔嘅見面時間。當佢知道Toby仲係同緊父母住喺啟晴邨，又會成日一齊出街時，佢直情對Toby另眼相看！」

事實上，日前Toby於將軍澳出席一個商場活動做司儀時，台下便見她的父母亦有到場支持，陳爸爸更即時化身粉絲，舉起手機勁為愛女拍照。至活動完畢，兩父女便齊齊到附近酒樓歎茶醫肚。另一日中午，Toby被發現為母親當「柴可夫」，接載她返回啟晴邨寓所，Toby甚至細心到車陳媽媽直達樓下大閘後，才獨自駕車到邨內停車場泊好再上樓。

有指Benny跟Toby拍拖沒多久，適逢楊爸爸和楊媽媽結婚40周年兼母親節，楊家舉行慶祝聚會，他亦有偕Toby出席，讓新女友見家長，盡快融入家中。

來源：巴士的報