無綫清宮劇《天命》迎來結局周，陳展鵬（煎pan）飾演被稱為「大貪官」的和珅，在劇集播出期間，不時都被網民將曾在內地劇集《鐵齒銅牙紀曉嵐》飾演和珅的王剛進行比較，但煎pan就相信每個演員演繹方式有不同，可以從不同層面入手。
內地演員王剛被稱為「和珅專業戶」，不論是內地還是香港，只要提到和珅，就必定想起王剛。雖然有網民在劇集播出後多番提起王剛版本，但煎pan直言不擔心網民會比較，「我諗每一個演員在一個演繹的過程裡面，佢都會對一個人物嘅睇法不同嘅。咁如果我身為一個觀眾，我再想睇呢一段故仔，其實係咪應該呈現一啲唔同睇法嘅角度，同埋對歷史嘅了解，呢個人物或者呢件事嘅睇法。」煎pan亦認為如果再次製作關於和珅的電視劇，可以從不同層面入手。
[caption id="attachment_489722" align="alignnone" width="300"]
由於王剛飾演的和珅「圓碌碌」，令觀眾有既定印象，認為和珅應該是肥肥矮矮，有點滑稽，但《天命》中的和珅卻身形高大，不少網民霎時間無法將陳展鵬與和珅聯想在一起。煎pan也認同王剛過於深入民心，但他認為：「當你睇到喺網上有很多大家嘅交流或者一啲評論嘅時候，大家就開始明白，哦，原來和珅唔係肥㗎喎，原來佢真係識打㗎喎。」他又提到，雖然《天命》大部分角色是根據藍本，但過於依靠藍本，不論是人物和電視劇都會變得非常「大紋大路」。
[caption id="attachment_489721" align="alignnone" width="300"]
究竟拍攝清宮劇前要如何準備呢？煎pan認為和珅「好出名」，他除了是富豪，更因「貪」而出名，「所以喺呢到劇入面都可以表達一啲和珅，其實佢一人之下，萬人之上，佢嗰種才華，同埋佢嘅能力囉。咁所以希望自己演嘅和珅可以令到觀眾對和珅、對呢個歷史人物有一個、多啲嘅了解，同埋立體啲嘅睇法。」煎pan又續指，《天命》的監製編審等幕後人員都提供了他非常多的資料，而且他們都很清楚這套戲應該要如何詮釋，同時他亦會加上自己的想法去演繹和珅。
《天命》第一集中的英文對白在網上有較大迴響，究竟當時的英文對白「兜shxt，塞your貓（Bull shxt, shut your mouth）」是否故意讀得不準的呢？原來煎pan拍攝當時拍了兩個版本，發音準確及不準確的均有拍攝，但最後導演就選擇了發音的不準確的版本，不過煎pan都表示正在鑽研當年是否會這樣罵人，不過他認為戲劇的效果是需要的，「如果唔係又會俾人講，咁悶㗎又係呢啲嘢，好啦，變少少有時又話，吓？搞到咁樣嘅？即係好難迎合每一個人」，不過這場戲或者這套戲令觀眾有共鳴研究，煎pan已經覺得好開心。
來源：巴士的報
追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca
