何嘉莉（Lillian）為第二任老公懷第二胎，預產期就在今個月，她近日在社交網站分享與一對仔女齊齊做產前紓展運動、又瘋狂食麥記的照片，但原來B女已於周四（7日）已經出世了！

已育有一對仔女的Lillian前兩胎都是開刀生產，所以今次她都是選擇剖腹生B，雖然之前有兩次經驗，但今次入手術室前Lillian都好緊張！「御貨」過程順利，機師老公Gerald都有入產房剪臍帶。

Lillian表示：「BB重6.9磅，暫時都未睇得出似邊個。」家中多了位小公主，一對仔女都好心急要見小妹妹，「阿仔見到BB好興奮，今次我冇代送禮物俾哥哥姐姐，之前囡囡出世就有送禮物俾哥哥，但今次我就話將個BB送咗俾佢哋，就係最好嘅禮物，佢哋都不知幾開心。」

問到為BB改了名字未？Lillian表示已改英名文，叫Raina，「係拉丁名，代表皇后意思。雖然佢係屋企入面最細，但我哋會當佢好似女皇一樣，萬千寵愛。 」

來源：巴士的報