何廣沛（Matthew）近排在熱播無線劇《白色強人》中，奪去了馮盈盈嘅熒幕初吻。Matthew大爆馮盈盈平日好認叻，永無冷場，但獻吻前竟變身「鵪鶉」，十分搞笑。其實過往何廣沛跟緋聞女友朱晨麗（朱朱）及江嘉敏、陳瀅、陳嘉寶等都咀過，但他竟然話同陳嘉寶最難忘，難到唔怕畀朱朱扭耳仔？！

 

[caption id="attachment_589163" align="alignnone" width="300"]

鏡頭前的馮盈盈又睇唔出好驚青喎。[/caption]

 

去年，何廣沛憑救護員一角在《跳躍生命線》上位，今次《白色強人》升呢做醫生，令他相當期望，相比下，今次拍得辛苦兼乏味：「因為有好多做緊手術鏡頭係唔會有對白，而且仲要Hold住手部動作持續10幾小時，搞到成身肩頸膊都痠痛，深深體會到原來做外科醫生唔容易，對醫護人員尊重大咗。尤其最深刻一場要去倒塌地盤拯救受傷工人，大隊喺銅鑼灣一個裝修中大廈實景拍攝，嗰度塵土飛揚，現場似足個廢墟，拍咗兩日，個個都戴住口罩入去，鼻孔入面全部係塵。」劇中他演馬國明愛徒，唯一可惜未能跟郭晉安鬥吓戲，只可在群戲中向前輩偷師。

 

[caption id="attachment_589162" align="alignnone" width="194"]

何廣沛話拍咀戲駕輕就熟，唔使同緋聞女友朱晨麗備案。[/caption]

 

何廣沛拍過唔少咀戲，除朱朱，個個靚女都係主動獻吻：「馮盈盈獻熒幕初吻時好好笑，排戲時猛耍手話唔好！但正式拍攝期間顯得好專業，不過一cut機又即時彈返去好遠，佢都幾趣致，又聽教聽話，轉數好快，學嘢好快上手，同佢合作雖然嘈，但佢係個開心果。」何廣沛明白盈盈驚得有理，正如當初拍《女人俱樂部》時，第一次同陌生女仔陳嘉寶有肌膚之親都驚到不得了，最怕被指佔人便宜。問到咀得最有feel係咪朱晨麗？他傻笑說：「個個都無乜特別，陳瀅都好深刻，因為臨時被召返去開工，睡眼惺忪下完成任務。」

 

[caption id="attachment_589161" align="alignnone" width="300"]

日前，馮盈盈搵埋醫生男友Martin（左）食飯，睇佢同何廣沛場咀戲。[/caption]

 

[caption id="attachment_589160" align="alignnone" width="300"]

新劇《白色強人》演員李佳芯、馬明、郭晉安等個個有份量，何廣沛戲份都唔少。[/caption]

 

[caption id="attachment_589159" align="alignnone" width="300"]

何廣沛同張曦雯、劉佩玥拍《跳躍生命線》好受歡迎。[/caption]

 

[caption id="attachment_589158" align="alignnone" width="300"]

何廣沛竟然話錫緋聞女友朱朱感覺不大！[/caption]

 

[caption id="attachment_589157" align="alignnone" width="190"]

30歲的何廣沛，成新一代男神。[/caption]

 

[caption id="attachment_589156" align="alignnone" width="300"]

何廣沛奪去了馮盈盈嘅熒幕初吻。[/caption]

 

 

來源：巴士的報