《萬千星輝頒獎典禮 2019》「最佳女配角」由「TVB御用癲婆」趙希洛奪得，黃智雯邊哭邊為頒獎給好友；而「最佳男配角」則由周嘉洛憑《愛．回家之開心速遞》奪得。

趙希洛在劇集《金宵大廈》演憶子成狂的何太，她激動得邊哭邊說：「入行12年人生第一次提名，冇諗過係呢個項目，4歲已經同自己講將來要做演員，係公司成就呢個夢想。」她又特別多謝樂易玲，「係我藝人生涯想放棄時叫我唔好離開。」

接着，趙希洛先感激好友黃智雯：「佢畀我仲叻，成日教我同幫我，一啲都唔dus，我dus過你。」最後，她對媽媽、前藝人梁小玲說：「我終於可以同你講唔使失望，我其實真係可以做一個演員，對唔住，你哋養到咁大，我就唔聽話去做一樣未必認同嘅事，so sorry，love u so much，知我哋平時唔會講，但我做咗！」

事後，趙希洛表示心情仍不能平伏，因為想不到第一次提名就能夠得獎，而且自己平時個很開心的人，想不到會哭到停不了，特別是知道是由好朋友頒獎。問到黃智雯事前有否給過提示？趙希洛直言沒有，更指對方還曾說過不能出席，令她非常失落，因為每次出席公司的盛會，對方都會在身息提點她，結果就像發夢一樣。

問到對飾演「瘋癲」角色會否感到大壓力？趙希洛表現怕要再演同類型的角色，所以計劃修讀演藝課程，曠闊自己的視野，希望能給觀眾有新的感覺得！

來源：巴士的報