好叻。

謝安琪（Kay）有個好迷電單車嘅老公張繼聰（Louis），今年Louis更送上一部綿羊仔給老婆做情人節禮物，令Kay哭笑不得，事關她根本冇電單車牌。4月時，Kay決定報名學電單車，仲要挑戰考棍波電單車，原因是：「屋企全部都係棍波車，我一定要考到棍波車牌，如果唔係有人又有藉口……再買新車」

張繼聰今年送咗部綿羊仔畀老婆做情人節禮物。

Kay今年4月即去報名學電單車。

昨日（9日）Kay於IG報喜，稱已成功考牌：「哈囉Motor Cycle！學神報到！多謝各位指導」即引出老公Louis留言：「可以揀車」網民都笑他比考到牌的Kay更開心，咦？Kay當初話考棍波電單車是為了不讓老公再有藉口買新車，如今Louis又想揀車，以為Kay計錯數了？錯了，事關Kay都回覆老公表示：「可以考慮」有老婆大人批准，實開心死Louis啦！

終於成功Pass咗，睇佢個樣得戚到呢！

張繼聰即留言話：「可以揀車！」

張繼聰係電單車迷。