告別九龍塘四層獨立屋。

向來口才了得嘅林盛斌（Bob）喺疫境下懂得自我增值，並且轉型開網店及投資，愈撈愈掂。3年前阿Bob由加多利山三千呎豪宅搬到九龍塘四層獨立屋，坦言辛苦工作只盼一家6口過住安逸舒適生活，見他所居住嘅獨立屋豪宅唔止有巨型大客廳、仲可以放得落大圓飯枱及麻雀枱、還有遊戲室、花園更可以放到超大嘅吹氣泳池，C君曾開玩笑指阿Bob嘅家「大過地球」！真係住得夠豪。

一年後換咗個900呎大單位。

加多利山都係風水屋，仲可以為阿Bob添丁。

Bob喺10年前首置何文田仁安大廈一個細單位。

獨立舊屋客廳大到可以容納10多人狂歡仍見有空間。

連睡房都大得驚人。

飯廳大到可以放大圓枱及麻雀枱。

室外可放吹氣泳池。 

阿bob辛苦地工作，為子女提供優質生活。

仲有可容納4子女嘅兒童遊戲室。

書房都堅大。

不過，今日阿Bob喺社交網貼上屋企外圍嘅照片，並寫道：「拜拜！多謝你呢三年為我哋遮風擋雨。」原來一家6口又搬屋。不少網民追問他係咪搬去半山還是貝沙灣？紛紛留言好奇問：「再搬大啲？」、「逆市奇葩」、「大屋搬巨屋？」、「不管搬大搬細，總算成功過」。而好友陳敏之亦有留言：「一段好的回憶，一個好開始」。阿Bob接受《頭條日報》記者訪問就網民疑團揭秘。

阿Bob告別租住咗3年嘅舊居。

Bob否認搬往貝沙灣：「唔係貝沙灣，我都係搬返去九龍塘，隔幾條街啫。舊屋完約，又畀我搵到呢間屋，風水又幾好，環境又唔錯，我老婆睇完，之後幫幫師傅(陳定幫)都睇過，佢哋都話真係好好，所以咪搬囉。問到疫情下可有減租？他形容業主好好，畀咗一個優惠價，大家開心嘅價錢。」

林盛斌搬往九龍塘另一處風水大屋。