「亞洲心動娛樂」 繼由麥明詩及黃德斌主演嘅自製網劇《逐流時代》後，最近推出綜藝節目《你想點呀》，節目由陳雅麗、譚杏藍（小花）、林泳淘及李賢主持，探討最貼身熱話。小花帶笑投訴被3人欺凌：「佢哋成日夾攻我，逼出我好多小秘密。」原來小花有個富媽媽，她更帶笑自爆數唔到媽媽有幾多層樓。採訪：方騫平 攝影：沈健程

譚杏藍(左起)李賢、林泳淘合作得有火花。

 

陳雅麗、李賢、譚杏藍、林泳淘主持《你想點呀》，探討最貼身熱話。

 

「小花」帶笑投訴被3人欺凌

 

亞洲心動娛樂曾自製網劇《逐流時代》，由麥明詩及黃德斌主演。

 

節目《你想點呀》將最熱辣嘅社會熱話擺上枱，如住屋問題、消費券發放、追星狂熱、移民抉擇、網上欺凌等，由4位靚女主持圍爐探討，林泳淘(Wingto)聲稱可以零包袱暢所欲言，由於事前做好多功課，今次都學到好多嘢。李賢(Leanne)話有幕後把關，唔怕出錯。

林泳淘聲稱可以零包袱暢所欲言。

 

李賢(Leanne)話有幕後把關，唔怕出錯。

 

林泳淘回復自由身後，曾跟好友林希靈為開電視節目《疫境中的餐桌》做嘉賓。

 

偷望林泳淘身材

鬼馬小花反而最睇唔過眼Wingto身材咁好，她笑說：「我要攻擊佢…身材，佢(上圍)好過份，有時坐喺佢隔離都忍唔住會偷望，真係紙包唔住火，唔望好嘥！」Wingto尷尷尬尬，笑言對小花所講當如讚賞。

小花睇唔過眼Wingto身材咁好，做節目時忍唔住會偷望。

 

Leanne指跟小花合作，帶給她們好多快樂，小花卻形容自己犧牲好多，尤其講到香港住屋問題，她被逼攻爆出經已喺業主：「我覺得成功係需母幹，最重要有個鍾意睇財經台嘅媽媽咁就容易上樓喇，其實咁多年嚟我份糧出喺媽媽個戶口，除咗我同姐姐，我唔知媽媽擁有幾多層樓，只知道媽媽會繼續買樓。」林泳淘及Leanne投以羨慕目光。另外，Leanne曾被網上欺凌，竟在她姐姐李敏嘅ViuTV新節目Po度留言：「唔想見到你妹妹！」令她莫名其妙。

李賢曾被網上欺凌，都有啲唔開心。

 

媽媽擅於投資，小花好幸福。

陳雅麗喺節目上勇於表達立場。