28歲名媛蔡天鳳（Abby）遭前夫一家肢解烹屍案轟動全城，蔡天鳳的頭顱在昨日終被尋回，死者前夫鄺港智、鄺的父親球叔、鄺的胞兄(Anthony)合共一項謀殺罪，63歲球嫂則被控一項妨礙司法公正罪，案件將於今日（27日）上午在九龍城裁判法院提堂。與此同時，警方昨日再拘捕一名47歲姓伍的女子，涉嫌租用凱旋門一單位以窩藏蔡的前夫，有指姓伍的女子是球叔的情婦。蔡天鳳生前好友，資深大律師清洪契仔、英皇前歌手周英杰（現名清晞誦），對於好友慘遇害，周英杰昨日接受傳媒訪問，連日來有慰問蔡家及Chris，他更透露好友證實遇害前，蔡母獲報夢。

【相關文章】：

蔡天鳳碎屍案丨好友爆Abby兩任丈夫時有接觸  陪做物理治療誘譚仔太子爺賭錢

【點擊睇蔡天鳳對前夫一家照顧有加】：

蔡天鳳生前是一位好媽媽。 ​

蔡天鳳同前大伯關係好好。

28歲本港名媛兼模特兒蔡天鳳（Abby）日前被殺。

蔡天鳳碎屍案轟動全港。

蔡天鳳友人豹太接連接受傳媒訪問大爆蔡天鳳生前與前夫一家的關係。

豹太大讚蔡天鳳為人有情有義，對前夫一家照顧有加。

豹太再受訪大爆蔡天鳳前夫與現任丈夫、譚仔太子爺的關係，又指蔡天鳳曾明知蝕本都打本給前夫一家做生意。

豹太受訪時指，蔡天鳳生前從來不說人壞話，對前夫一家亦是有讚冇彈，更指前夫一家細心照顧一對子女。

豹太又指蔡天鳳令前老爺奶奶與現任老爺奶奶相處得非常好，雙方更曾相約去慈山寺，更不時聚會：「過年仲租咗個Party room三個家庭聚會，係好到可以咁㗎！」

豹太指蔡天鳳為人有義氣，而且與前夫是和平離婚，因此才願意照顧前夫一家。

豹太更透露，蔡天鳳兩任丈夫亦不時有接觸，豹太表示與蔡天鳳前夫有過一面之緣。

豹太曾目擊蔡天鳳前夫陪蔡天鳳的現任丈夫做物理治療，更誘惑蔡天鳳的現任丈夫去賭錢。

豹太當日聽到以上對話後曾致電蔡天鳳：「我話你知唔知你老公今日有個人陪佢物理治療，我問佢邊個嚟，識唔識。佢話『我識，嗰個咪我前夫囉，Ok㗎冇問題』。」

豹太將當日聽到的對話告訴蔡天鳳，對方更認為沒有大不了，並表示Chris不會賭錢。

不過豹太憶述對蔡天鳳前夫Alex的感覺，就表示：「連物理治療個醫師都打畀我，問我可唔可以以後叫嗰個人（蔡天鳳前夫Alex）唔好上嚟，話佢好『MK』、好『古惑仔』呀！影響到我哋做嘢呀！」

豹太又大爆蔡天鳳對前夫一家非常包容，甚至連打本做蝕本生意都沒有問題：「佢係好到，當初同我講佢有做生意，佢冇講到係前夫做（要求）。」

豹太指蔡天鳳當時透露她投資開雞蛋仔店，更表示已經投資的錢已經賠光，但也表示無所謂。

豹太指該雞蛋仔店開業不足一年已結業。

資深大律師清洪契仔、英皇前歌手周英杰是蔡天鳳生前好友。

周英杰曾經是英皇歌手。

對於好友慘遭遇害，周英杰悲痛莫名！

蔡天鳳遇害的地點，是大埔龍尾村一單位，是前老爺租下的兇案現場，事後警方在上址搜出蔡天鳳部分殘肢。周英杰在好友證實遇害前，發生一件事令他「毛管戙」的事，他說：「有一晚，Abby媽媽話Abby報夢俾佢，話佢喺一個地方，有好多狗吠同馬騮，喺大埔。Abby媽咪一世人都未去過大埔，但係佢發咗咁樣嘅夢，之後都有同警方講，而警方亦搵到個地方。我聽完都毛管戙，但真係…！」他又稱這數天Abby媽媽仍有夢見到Abby：「佢都希望個女有咩都同佢講。」周英杰還說：「Chris話九龍塘屋企從來冇出現飛蛾，但噚晚出現一隻，仲成晚冇飛走，佢覺得係Abby。」

周英杰與蔡天鳳相識多年，在他的心目中，蔡天鳳是心地善良，滿有愛的女孩，對家人以及四個子女，照顧得無微不至，尤其與前夫育有的一對孩子：「Abby覺得同前夫生嘅一對仔女，因為唔係一齊住，覺得佢哋瞓醒唔見媽咪，對佢哋有虧欠，所以特別見嗰兩個小朋友多啲，Chris亦對嗰兩個小朋友錫到燶。」而現任奶奶亦很錫新抱，周英杰稱奶奶一點都不介意，覺得每個人都有自己過去，雖然兩人沒有血緣關係，但已經視為女兒般看待。

豹太日前在《東張西望》的訪問上，聲稱與蔡天鳳兩任丈夫亦不時有接觸，當日Chris斷骨後要做物理治療，曾聽到蔡天鳳前夫叫Chris不要做物理治療而去賭錢，但遭Chris拒絕，湊巧周英杰在訪問上亦稱其女友跟Abby前夫有一面之緣，地點亦是在物理治療診所，談話內容亦都與豹太所講的沒有太大出入︰「我女友覺得呢個人好怪，人家整親腳要嚟治療，佢竟然叫人唔好睇醫生，同佢去賭！」事後他才得悉此人是Abby的前夫Alex：「Abby當時仲話前夫同Chris好friend。Abby個人好好，佢從來冇講前夫半句壞話。」

蔡天凰出身於富裕家庭，不過周英杰坦言好友並非全部靠屋企，因她遺傳了媽媽的投資之道，當初她亦並非一心想做model：「佢係好多名牌嘅超級vip，啲大牌子特登邀請佢行catwalk。好似啱啱去巴黎，品牌幫佢出埋機票，搵成隊crew跟住佢，有埋化妝、整頭、攝影師幫佢拍攝，喺咁嘅情況下佢先做model，否則佢根本唔當自己係model，喺佢心目中，只係心繫四個子女及愛護動物。我同女友到而家仍然好難接受件事，我哋都要需要見心理輔導。」