張國榮《繼續寵愛．二十年．音樂會》今晚於紅館舉行，演唱會尾段，陳潔靈與張國榮隔空合唱《誰令你心痴》，古巨基則演唱《Dear Leslie》及《風繼續吹》向張國榮致敬。演唱會最後郭富城驚喜現身，從舞台下升起又唱又跳《Monica》，重現經典舞步，更有逾20名舞蹈員伴舞，現場隨即high爆，觀眾紛紛站起兼報以尖叫聲。
【相關閱讀】：繼續寵愛‧二十年‧音樂會丨梁朝偉憶張國榮無限鬼主意：昔日春夏秋冬都有你在場
【點擊睇郭富城唱《Monica》】：
郭富城說：「今晚係一個好特別嘅日子，20年，哥哥一直喺我哋嘅心入面，一直都喺度。我記得我入行第一個騷，係1986年嘅《星光熠熠耀保良》，我好有幸同佢表演，不過嗰陣做dancer，好榮幸好開心曾經為佢伴舞。我仲記得佢仲請我哋食飯，對dancers好好。其後我做咗歌手，一直都覺得佢先係真正嘅舞台王者，冇人代替到。佢成笑住對dacners講：『畀心機，畀心機！』我真係有畀心機㗎。」接着郭富城演唱張國榮第一首金曲金獎歌曲《有誰共鳴》，唱到一半郭富城說：『我好記得哥哥攞第一首金曲時，唱呢歌時話：『我唱呢隻哥唱到眼濕濕，以後我唱呢首歌都要笑住唱。』」然後着觀眾一齊拍手，場面感人。
演唱會最後，一班演出歌手上台謝幕，此時突然播出張國榮生前摯愛唐唐的錄音聲帶及唐唐：「原來死亡並唔係一個終結，被遺忙先，好幸運係哥哥演藝生涯有好多歌曲、歌影，亦都留下好多姣、靚、型、串嘅舞台演，呢啲都成為咗我哋嘅集體回憶，更幸運嘅係，哥哥有一班一直以都好愛佢、錫佢，掛住佢嘅好朋友、哥迷，係你哋令哥哥冇被遺忘。我代表哥哥衷心講一聲，多謝大家！」
【相關閱讀】：
張國榮逝世20周年丨哥迷自發搞紀念晚會逾2000人聚集 日韓粉絲：永恆超級巨星
張國榮逝世20周年丨高志森提一事暗指哥哥小器？ 重提支票事件唔認衰被批無恥
張國榮逝世20周年丨文華東方酒店擠滿「哥迷」 兩米高紅紙鶴樹最搶眼 龍尾排到遮打花園
追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca
