昨日（21日）DSE開考，無綫一眾「J2女神」於IG大晒仙氣學生相為考生應援，另邊廂洪永城（Tony）、林溥來（Patrick Sir）、郭子豪（Arnold）和名廚楊尚友（Christian）亦有公開自己的少男時代青澀樣，當中最意想不到的，是向來身形圓潤的44歲Christian中學時期竟比現在瘦兩個碼，有網民更驚呼：「好瘦，個樣成個杜德偉咁！」相反，曾是健美冠軍的郭子豪卻是「肥仔底」，令網民難以置信：「嗰兩張相係你？」、「You look so different」、「你細個咁得意嘅」。

【點擊睇4男星舊照】：

名廚楊尚友Christian

名廚楊尚友Christian已為兩孩之父。

名廚楊尚友Christian中學時期比現在瘦兩個碼，有網民激讚似杜德偉咁型仔。

洪永城今年39歲。

洪永城與太太梁諾妍育有一女。

洪永城由細到大都鼻高高、單眼皮，十足K-pop韓仔。

郭子豪出名是大隻仔。

郭子豪與女友鄧卓殷感情穩定。

郭子豪曾贏得健美冠軍。

郭子豪細個好Cute。

郭子豪細個已經好活潑。

郭子豪曾經係個小肥仔。

Patrick Sir今年46歲。

Patrick Sir與太太關宛珊育有一子林若嘉（Preemo）。

Patrick Sir不時晒父愛。

Patrick Sir（中排右二）獲網民大讚是校草人馬。

Patrick Sir（前左二）中學時期是籃球隊隊員。

Patrick Sir由細是靚仔。

Patrick Sir中學時期曾任學校音樂會MC，某年嘉賓是李國祥（左）。

另一次學校音樂會邀得鄭嘉穎（右）當嘉賓。

至於已為人父的39歲洪永城，由細到大都鼻高高、單眼皮，十足K-pop韓仔一樣，但相中剷了Skinhead的他略帶幾分反叛味，他坦承自幼讀書唔叻：「呢期成日同人講人生係冇標準答案，不過考試就真係有喇。細個讀書麻麻哋，屋企人對分數嘅要求亦都唔係咁高，大個咗就知賴嘢，成日分心，養成唔夠專注。所以專注呢兩日做好一件事，手機、遊戲擺埋一邊，生活所有其他嘢清空佢，搞掂呢壇嘢之後再慢慢玩，你得嘅，努力！」好友吳若希即留言：「後生靚仔啲喎！」有網民則覺得不同人：「我以為房祖名」、「有啲似劉馬車（網紅劉駿軒）」。

然而討論度最高的是46歲Patrick Sir，事關除了其「老定的成熟樣」廿多年不變外，相中更驚現鄭嘉穎20多歲的青澀樣！他寫道：「各位應屆DSE考生，緊張嘛？緊張就啱喇！因為識得有少少緊張，即係你認真對待。因為你認真對待考試，你就會留意細節。因為你留意考試細節，出錯機會就減少。所以有少少緊張嘅人，多數都係考得好。」

相中，當年讀喇沙書院的Patrick Sir剪了一頭「郭富城頭」，站在年長7歲的鄭嘉穎旁邊已高半個頭，他透露鄭嘉穎當時以歌手身份擔任學校音樂會嘉賓，另一嘉賓則是李國祥，一眾網民紛紛大讚Patrick Sir和鄭嘉穎猶如吃了防腐劑：「冇變過嘅Patrick Sir，只係當年自帶眼線啫」、「Patrick Sir讀書到而家個樣完全冇變」、「嘩！鄭嘉穎真係好靚仔呀救命！」