「日本通」周奕瑋（Jarvis）主持新一輯旅遊節目《周遊關西》，他坦言疫情後世界改變咗好多，冇晒搶衫放題、同師奶鬥搶蝦等有趣元素，變相增加拍攝難度，不過，團隊仍然艱苦搜羅CP值高嘅好玩、好食去處，繼續貼地遊日本。採訪：方騫平 攝影：譚志光 場地：Velo Italian Bar & Grill

周奕瑋未知幾時再拍《周遊》系列，觀眾要好好珍惜。

周奕瑋主持嘅旅遊節目好受歡迎。

因為搜集嘅題材貼地。

Jarvis多才多藝。

周奕瑋係個出色嘅主持人。

打從2018年《周遊東京》到最新的《周遊關西》，《周遊》系列成為周奕瑋招牌作品，年輕觀眾Like爆他推介的過癮打卡點，旅遊節目如一本會郁的旅遊天書，不過Jarvis坦言受疫情影響，今輯玩法唔同咗，除於大城市取景，亦會加入和歌山深度遊，對他來說都算挑戰。

2018年拍《周遊東京》時，Jarvis喺100秒內用100日圓任搶名牌衫。

又試過擠進師奶中搶蝦。

Jarvis喺2018年拍《周遊東京》在居酒屋識到兩個日本索女。

《周遊關西》節目如一本會郁的旅遊天書。

今輯玩法唔同咗，除於大城市取景，亦會加入和歌山深度遊。

但仍有地道美食推介。

唔做「親生仔」寧要自由度

至於《周遊》系列最受歡迎的美食推介環節，繼續有好嘢介紹：「喺大阪有間平民壽司店，4500日圓(約250港元)食到OMAKASE 15件手握壽司；仲有碟碟300日圓(約16港元)嘅爐端燒，狂食帶子、原條燒魚，食咗幾十碟都只係幾千日圓，推翻咗爐端燒好貴嘅睇法，最重要由職人主理，不論燒烤時間及味道都啱啱好；另外在大阪銀座食割烹料理，廚師發辦10道菜收15000日圓(約836港元)，算是食得最貴，但比起懷石料理及會席料理平一截，CP值高。」

4500日圓平食OMAKASE壽司。

海膽滿滿嘅壽司好吸引呀。

超抵OMAKASE壽司，睇落質素都唔差。

節目中「放毒」。

店名：鮨ひろ 地址：大阪府大阪市浪速区恵美須西3-2-6

300日圓均一價爐端燒，即點即燒海鮮大餐。

店名：炉ばた焼 網衆 地址：大阪府大阪市北區中崎西2-2-6

一向給人感覺，爐端燒係貴價料理。

海鮮好新鮮。

原條燒魚只係300日元。

全店最貴只有燒大蝦，係600日元。

「割烹」十品料理 店名：小西 地址：大阪府大阪市北区堂島1-3-34 第2京松ビル 2F

曾被形容為鄭裕玲接班人，獲力捧做金牌司儀的Jarvis同TVB關係有變，由「親生仔」變返基本合約藝員，他解釋其實冇特別原因：「只係想多啲自由度，做多啲想做嘅旅遊嘢，其實只係合約模式改變咗，我依然喺TVB幕前出現。(唔怕公司將最好嘅機會留畀「親生仔」？)盡力做好自己先，唔諗得咁多。」

Jarvis被指為鄭裕玲接班人，主持過唔少大騷。

都係娛樂新聞節目主持。

周奕瑋、陳嘉慧曾赴日取景拍《請1日假去旅行》。

周奕瑋與陳嘉慧主持旅遊節目《請1日假去旅行》。

立刻點擊投票👉🏻https://tinyurl.com/38dfzwtv