今年香港突然出產兩個AV女優，一個是前往日本發展的首個港產AV女優素海霖，第二個則是在台灣拍AV的Alice Wong，最近Alice Wong更與「神之手」加藤鷹合作拍片。現年22歲的Alice日前接受193（郭嘉駿）主持的ViuTV節目《晚吹：戀講嘢》訪問，自揭原來從小遭家暴，17歲為逃離家中想奉子成婚，卻依然被逼留在原生家庭，後來更婚姻破裂成為單親媽媽。
【相關閱讀】：單親Alice希望4歲囝囝大個會明白 第二位港產AV女優遭老竇家暴朋友杯葛
【點擊睇Alice自揭拍AV原因】：
Alice受訪透露17歲時，在酒吧認識當時30歲的前夫，她表示當時自己是半工讀狀態：「我一邊返工，一邊學化妝，佢知道我屋企有啲問題，唔想我半工讀咁辛苦，都有畀錢資助我生活，每個月4000至5000蚊。」
Alice自言自小被父親虐打：「以前會叉頸、擸菜刀，而家都會有陰影，令我唔想返屋企。」Alice透露當時男友承諾帶她離開屋企：「因為從小冇家庭嘅愛，佢突然畀到呢種父愛我。」後來Alice與男友拍拖一、兩個月已經意外懷孕，193等主持聽到都感到非常震驚，Alice指：「其實佢都好開心，話想要小朋友。我嗰時見到有個咁好嘅男人，覺得應該會幾幸福，發現有咗就好快咁結婚，結婚嗰一刻都覺得好幸福。」Alice當時已經陀B五、六個月。
不過當時Alice老公卻未有帶她離開屋企：「佢話我有咗要安心養胎，有家人照顧比較好。」當時老公更搬進Alice家中：「我媽咪好錫我，佢以我媽咪會照顧我生活，叫我留底。」Alice在婚後還發現老公召妓：「有次我發現佢電話有個訊息，係『邪骨』，有次激氣佢仲爆咗句：『你大肚，我Ｘ唔嘢，我都係一個禮拜去一次解決我嘅需要。』我同佢嘈交，嘈醒咗我爸媽，佢哋捉咗我去傾，傾傾下唔對路，嗲哋就一巴打落我個頭。佢（前夫）咁啱喺廁所出嚟，行過都若無其事返入房打機，跟住佢話：『我打緊機我睇唔到』。」
自爆臀部黑印原因
後來Alice生完小朋友，卻被前夫說「老咗好多，身材走樣」，Alice說：「當時我生小朋友昏迷咗幾日，冇得清潔身體，pat pat生咗好多暗瘡，有黑印，佢因為呢樣嘢，同我發生關係就好似交功課咁，可能兩個月一次，10分鐘內完成，每次都係我挑逗佢。」之後Alice努力減肥，不過減肥成功後，因為當時生完B未有紮肚，肚皮呈現鬆弛狀態。
之後前夫公司減人工，於是叫Alice去送外賣幫補家計：「佢一直都知我密碼，出嚟送外賣好多客人資料，我開始唔想畀佢知，改咗電話密碼，我送外賣嘅老闆好鍾意周圍話要搵老闆娘，仲上載咗我同佢嘅合照上網，令佢懷欵我同老闆有路。佢同我鬧完交之後就走咗，我個心已經死咗，唔想再求佢。」不過原來Alice一直未有辦理離婚手續：「佢一直話離婚，但佢唔想畀贍養費，一直拖住。」Alice亦因此變成「單親媽媽」：「我戶口零蚊，不停做嘢，做足20個鐘。」
到25歲再諗退出
Alice指自己後來儲夠錢可以休息一兩個月：「我鍾意咗台灣一個攝影師好耐，我本身過去係搵佢影寫真，佢除咗係一個攝影師，亦係一個AV導演，佢知我尺度大，又有賣相，就問我有冇興趣拍AV，即刻安排我拍。」Alice指：「第一我想做呢樣嘢；第二係因為賺錢；第三係因為前夫話我唔靚，『做雞都做唔到』，令我好自卑；當時生完仲要畀佢批評，跟住有產後抑鬱，我去咗平台想跳樓，街上有人見到即刻叫保安拉住我。」Alice續指希望趁拍AV的機會，可以讓前夫睇到成果：「佢知佢有偷偷睇我IG，所以佢定會知。」Alice指現在前夫沒有理會小朋友，目前主要由她媽媽和外婆照顧。
問到Alice會否怕兒子長大會介意媽媽是AV女優：「我都會同佢解釋清楚因乜事要做；佢鍾意做任何嘢我都會支持，唔會反對。」至於搵男朋友，Alice亦相當豁達：「我唔再睇重，我覺得你鍾意我就會接受我，三上悠亞都搵到真愛。」Alice又表示將來會繼續做AV女優：「去到25歲左右，如果其他工作人工高過AV就會完全退出。」
追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca
