即將榮升做第二任媽媽的孫慧雪,陀B期間因孕肚之大成為不少媽媽的討論話題,雖然期間歷盡苦頭,由懷孕初期因有出血情況,需要每晚到醫院打安胎針才穩定下來,接着孕肚又比常人大,懷孕26周時腰圍已經有40吋,已經「見唔到腳趾」,臨盆在即,孫慧雪未有停下來,依然周圍去,昨日在社交平台貼上近照,分享趣事一則!
【相關閱讀】:孫慧雪巨型孕肚達44吋 下周公開BB性別自爆擔心產後難收身
【點擊睇孫慧雪公開BB性別】:
孫慧雪貼了一張在茶餐廳吃飯的相片並說:「而家去茶餐廳坐卡位!個肚已經去到毫無空隙~大家估下個肚有幾多吋?#啱啱瞓醒#開始進入孕後期失眠狀態」有網民留言:「呢個腰圍應該同林雪有得揮!」
後來孫慧雪終於解開謎底,原來肚圍達45吋,體重去到165磅,她說:「有朋友問我,點解你仲可以走嚟走去,其實我已經去到好懶郁,行路又有啲唔方便嘅境地,最近嘅產檢,BB喺肚入面去到8磅幾,夜晚去洗手間嘅時間又再頻密啲啦!已經有晒心理準備要踏上產後艱苦嘅修身同收緊肚皮之旅!進入大直路啦!加油,By the way,我真係唔係食好多嘢,同埋肚入面唔係雙胞胎!」
其實孫慧雪陀住大仔Riley時,當時孕肚已經有43吋,試過惹來雙胞胎疑雲,最後亦只能選擇剖腹誕下近9磅、身長足足53CM,頭圍都過10CM的巨B,想不到弟弟比哥哥還要厲害,孕肚已經有45吋!
追蹤CCUE社交媒體,獲得更多吃喝玩樂生活資訊:
Instagram:https://www.instagram.com/ccue.ca/
Facebook:https://www.facebook.com/ccue.ca