前TVB娛樂新聞台主播林子博在太太董燕君(Shirley)離世後，於2021年帶同一對子女林卓楠、林詠渝移民英國，期間克服不少挫折，待安頓過後，上月林子博帶同子女返港拜祭媽咪及放暑假外，原來子博另有一個主要原因，上周他秘密到一間私家醫院接受切除口水腺瘤手術，手術由先預定3小時做足8小時，過程複雜。

上周子博秘密入院接受切除口水腺瘤手術。

因為傷口都唔細，𠵱家塊面仲未消腫呀。

不過好彩冇後遺症。

今晚要到藝穗會唱歌。

林子博於youtube頻道「子博在英國」中報平安，現已出院的他，住院5日4夜，口水腺瘤位置在左耳對落，2021年他經已摸到有大概1-2cm左右嘅瘤，直到7月時脹到似乒乓球咁大，當時真係有啲驚，幸而幾日後又縮返細，適逢同年8月飛往英國定居，他等到搞好國民保險後就去睇醫生，醫生確診係口水腺瘤，雖然抽組織化驗後知道係良性，但醫生建議他盡快切走個計時炸彈，本已排期到今年10月在英國接受手術，不過醫生表示要開一個大傷口，唔係細型手術，反正今年他會帶子女返港放暑假，故決定返港睇保險公司聯繫嘅耳鼻喉專科醫生，而且保險公司有免找數服務提供，預計手術所需17萬，最多補返萬多元就搞掂。

子博2021年經已摸到大概1-2cm左右，直到7月時脹到似乒乓球咁大。

但手術當天驚心動魄，由原先3小時手術變咗8小時，嚇到子女及家人在病房等到好擔心，事後醫生解釋佢嘅口水腺瘤組織位置被神經線包圍住，搞到手術變得複雜化，如果做得唔好面部會變歪，子博笑說：「雖然唔靚仔但都要靠面口嚟搵食。」而他的爸爸同樣都有過口水線瘤，手術後影響到流汗，所以多謝醫療團隊及護士們悉心照顧，住院頭兩日個頭好暈食唔到嘢，落唔到床，經此一役希望大家能注重健康，為家人好好保養。今天他到藝穗會做music concert，自言就算塊面未消腫到要頂硬上唱歌。

準備入手術室。

當日預計手術時間係3小時，但最後手術做足8小時。

返病房一刻仲係好迷糊。

手術時間咁耐嚇親兒子林卓楠。

手術後暈咗幾天。

口水腺瘤位於耳仔下面。

上月林子博帶同子女返港拜祭媽咪及放暑假。

子博喺太太靈位前懺悔。

台北之旅跟田蕊妮及杜文澤聚舊。

返港後搵家燕姐飯聚。

帶同子女拜會汪阿姐。

一家3口在英國曼城已安頓下來。

至今子博仲好記掛已故太太董燕君。

林子博女兒林詠渝唔止靚女跳舞仲超得。