電影發生於1970年聖誕節前後,背景是美國新英格蘭的巴頓學院,古文明史老師Paul (Paul Giamatti飾)、寄宿生Angus(Dominic Sessa飾)及學校飯堂女主廚Mary(Da'Vine Joy Randolph飾),在聖誕假期被迫留校,冇譁眾取寵,冇千軍萬馬,更加冇左扭右兜的懶煽情金句,三位寂寞的心由互相討厭到融洽相處,繼而圍爐取暖,擁抱彼此,好耐未試過睇一套戲,真摯、感人、溫聲、有超強人情味之餘,仲要好好笑,完全唔覺片長133分鐘,日後聖誕節翻煲片單又多一套。介紹返,本人的最佳電影。(上映中) 撰文:廖思慧
![Paul Sir因為太正直所以不受同事歡迎。 Paul Sir因為太正直所以不受同事歡迎。](https://image.hkhl.hk/f/1024p0/0x0/lr/sthl/44b822f8b88eb6012a132afc91afe07a/2024-03/holdovers_fp_00021_r.jpg)
![古文明史老師Paul Sir未結婚亦冇女朋友,Angus同Mary鼓勵佢追女仔。 古文明史老師Paul Sir未結婚亦冇女朋友,Angus同Mary鼓勵佢追女仔。](https://image.hkhl.hk/f/1024p0/0x0/lr/sthl/24e2def2cda40ec299d217856bde0671/2024-03/HO_09595_R.jpg)
![Da'Vine Joy Randolph橫掃本屆所有電影頒獎禮的女配角獎。 Da'Vine Joy Randolph橫掃本屆所有電影頒獎禮的女配角獎。](https://image.hkhl.hk/f/1024p0/0x0/lr/sthl/40b6052ac517b95762fdfccb144ec6b3/2024-03/ho_00572_r2.jpg)
![Mary是「學習如何享受爛生活」 課程的高材生。 Mary是「學習如何享受爛生活」 課程的高材生。](https://image.hkhl.hk/f/1024p0/0x0/lr/sthl/c38c2d53693d444daa9c163744b91c61/2024-03/002_22.jpg)
![飾演Angus的Dominic Sessa首次拍戲,同老戲骨Paul Giamatti好有火花。 飾演Angus的Dominic Sessa首次拍戲,同老戲骨Paul Giamatti好有火花。](https://image.hkhl.hk/f/1024p0/0x0/lr/sthl/69c897687a2815c29a42d9fd0a4923cc/2024-03/HO_08041.jpg)
![如果呢套戲有港版,193好啱做呢個角色。 如果呢套戲有港版,193好啱做呢個角色。](https://image.hkhl.hk/f/1024p0/0x0/lr/sthl/0fc729dbda94d1a7cfc41458650cb007/2024-03/holdovers_fp_01296_r.jpg)
Da'Vine Joy Randolph憑《滯留生》已經獲得英國電影學院獎(BAFTA Awards)及金球獎(Golden Globes)等共38個女配角獎,新鮮熱辣再擸埋奧斯卡最佳女配角,橫掃本屆所有電影頒獎禮,超勁。戲中她飾演剛經歷喪子之痛的失意女廚師,對白唔多但句句有意思,聖誕Party夜飲大兩杯感懷身世一幕,Feel到好痛,祝福所有善良的人。
寂寞的心圍爐俱樂部
聖誕前夕大雪紛飛,小鎮寄宿學校師生全部趕返屋企過節,Paul Sir因為長期揸正嚟做,堅持唔放水畀捐獻者的兒子考試合格而得罪高層,聖誕長假被罰留校做全科老師兼保母,罪名是唔識做人。寄宿生Angus因為阿媽改嫁掛住渡蜜月,冇時間陪仔,有情緒病的他萬般不願留校過節,日日西口西面搵位反叛,又跟孤僻兼冇情講的Paul Sir秒秒頂撞,但估佢唔到加埋心碎女廚師竟產生溫暖到爆的化學反應。
![留校生本來唔止Angus,只能嘆句天意弄人。 留校生本來唔止Angus,只能嘆句天意弄人。](https://image.hkhl.hk/f/1024p0/0x0/lr/sthl/0c8e880fafe4e9fbf9d52b07fb3f89e7/2024-03/p2901736492.jpg)
![被困學校都可以慶祝聖誕嘅,首先入手甩頭甩骨聖誕樹。 被困學校都可以慶祝聖誕嘅,首先入手甩頭甩骨聖誕樹。](https://image.hkhl.hk/f/1024p0/0x0/lr/sthl/f83d4a0412064000314b899e5457b883/2024-03/holdovers_fp_01007.jpg)
![然後再搵嚟唔知放咗幾耐嘅酒。 然後再搵嚟唔知放咗幾耐嘅酒。](https://image.hkhl.hk/f/1024p0/0x0/lr/sthl/d991c33689da02d8adc88f6f0bdc4f44/2024-03/ho_14575_r.jpg)
![兩人生活之日常,你鬧吓我,我又窒吓你。 兩人生活之日常,你鬧吓我,我又窒吓你。](https://image.hkhl.hk/f/1024p0/0x0/lr/sthl/2e1ca4674c521fff1dda9c53f41ef26e/2024-03/p2895744963.jpg)
![麻煩學生加超麻煩阿Sir,由互睇唔順眼到為對方著想,成個心暖晒。 麻煩學生加超麻煩阿Sir,由互睇唔順眼到為對方著想,成個心暖晒。](https://image.hkhl.hk/f/1024p0/0x0/lr/sthl/99a2e374063a1d63a6190aa4fecb9b1b/2024-03/holdovers_fp_00406_r.jpg)
![因為講述1970年嘅事,電影拍出陳年電影感,好鬼正。 因為講述1970年嘅事,電影拍出陳年電影感,好鬼正。](https://image.hkhl.hk/f/1024p0/0x0/lr/sthl/49983cded3f2babffef98984cda6f5d2/2024-03/004_23.jpg)
![Angus出咗事,Mary放低所有嘢陪伴在側。 Angus出咗事,Mary放低所有嘢陪伴在側。](https://image.hkhl.hk/f/1024p0/0x0/lr/sthl/b1abbaaf9eb17d42c8c54d6a429292a0/2024-03/ho_14151_rc.jpg)
最鍾意電影冇老土說教,三位失意人至全片完都冇解決過任何問題,但笑容多咗,做人睇開啲真係好重要,觀眾好似跟三位主角上了一堂人生課,課程名稱是「學習如何享受爛生活」。溫提,香港只作限量上映。
![一場大雪加三個孤獨的人,在一間老派寄宿學校發生的動人故事。 一場大雪加三個孤獨的人,在一間老派寄宿學校發生的動人故事。](https://image.hkhl.hk/f/1024p0/0x0/lr/sthl/23149af368e189710814b0673792d60d/2024-03/001_32.jpg)
![三個寂寞的心仲一齊倒數。 三個寂寞的心仲一齊倒數。](https://image.hkhl.hk/f/1024p0/0x0/lr/sthl/f55c4ab2ee77071269a56b3887f759b5/2024-03/003_28.jpg)
《星島申訴王》已推出全新項目「區區有申訴」,並增設「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰ https://bit.ly/3uJ3yyF
想睇更多精彩內容,請立即瀏覽「區區有申訴」活動專頁,https://bit.ly/41hgS9E
追蹤CCUE社交媒體,獲得更多吃喝玩樂生活資訊:
Instagram:https://www.instagram.com/ccue.ca/
Facebook:https://www.facebook.com/ccue.ca