孫漢霖（火雞）受偶像胡彥斌影響，推出的第2首單曲《Over You》，轉唱輕快跳舞曲風，而MV更到台灣拍攝，台劇《此時此刻》飾演少女版林熙蕾的宸頤任女主角，火雞勁緊張最後靠《寵物小精靈》成功跟女方打開話題。另外，火雞更自爆此行有艷遇，絕對大豐收。採訪：杜杜 髮型:Hugo Poon @PRIVATE i salon 場地:The AIR (The ONE)

火雞在台灣有不少朋友，但全部住高雄今次未有機會見面。

火雞在台灣有不少朋友，但全部住高雄今次未有機會見面。

火雞新歌《Over You》的曲風有別以往風格，「我偶像係胡彥斌，佢啲曲風好多變，今次有啲City Pop嘅feel，聽完demo好鍾意就決定試。」他笑指首支單曲《藍顏知己》講「自己啲傻仔嘢」，今次則是純虛構，「首歌係英文demo，『Over You』好頻繁出現，將佢加埋少少80年代Disco元素，『Over You』意思代表完結你，就諗到講個男仔受咗情傷，去Disco麻醉自己。」

MV在台北夜店內取景，好有懷舊氣氛。

MV在台北夜店內取景，好有懷舊氣氛。

火雞在MV中，跟宸頤有不少對話戲份，全程都是傾《寵物小精靈》。

搭訕日本妹交換埋ig

極富電影感的新歌MV去台北取景，更搵來提名過台北電影獎最佳女配角的宸頤任女主角，火雞興奮之餘好淆底，「宸頤演技咁犀利，仲拍過17隻MV，我演戲比較少經驗，梗係緊張啦！」幸好兩人靠動漫成功打開話題，「咁啱見到佢捉小精靈，我又好鍾意《寵物小精靈》，季季都有睇，就順利打開話題，佢本身都cool cool哋，打開咗話題就好易溝通。」

火雞開心跟宸頤及台灣工作人員成為朋友。

跟宸頤半夜在台北街頭拍攝，火雞感覺很新鮮。

去年宸頤在台劇《此時此刻》飾演少女版林熙蕾。

去年宸頤憑電影《默殺》，獲提名台北電影獎最佳女配角。

火雞更搞笑自爆在台灣時有艷遇，他拍完MV就留低玩，導演要即日走，於是一齊搭機鐵送對方到機場，「有3個日本女仔坐隔離，我哋喺機鐵叉唔到電，佢哋又叉到喎，於是問佢哋點用，幫我哋影相個工作人員喺日本讀過書識日文，知道佢哋20幾歲，有兩個女仔讀書，有一個啱啱出嚟做嘢，畀我隻歌佢哋聽，聽完都覺得幾好，後尾更交換埋ig𠻹！」火雞話下次有機會去日本都可能會約她們出來見面，最理想是去埋日本拍MV！

疫情後未有機會去台灣的火雞，趁拍完MV留低狂吃美食。

火雞為了吸粉絲，近期頻頻唱Cover出post。

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》新網站有更多精彩內容：http://www.stheadline.com/