有TVB「新一代日本通」之稱的周奕瑋（Jarvis）2018年在旅遊節目《周遊東京》中，憑流利日文及貼地平食平玩推介而深得網民喜歡，及後《周遊》系列陸續添食，備受公司力捧，今年初更勇奪《萬千星輝頒獎典禮2023》最佳男主持。相隔3個月，周奕瑋今晨（26日）再開心報喜：「各位，我做業主喇！」
相關閱讀：萬千星輝頒獎典禮2023丨周奕瑋入行18年首奪最佳男主持 自我鼓勵：唔好被人限制自己想像
周奕瑋日本新居曝光：
周奕瑋今日於Facebook撰長文公布「重大決定」，表示經過一段時間深思熟慮，終於扚起心肝正式簽下買賣合約，成為大阪業主！首次置業的他坦言：「老實講，我都俾自己呢個舉動嚇咗一跳，因為今次係我人生第一次買樓，仲要唔算諗咗好耐，就落呢個決定。不過有時就係咁，天時地利人和要來就來。再加上……今時啲Yen（日圓）真係好平，而家買真係抵好多。（所以應該叫『金時地利人和』、或者『打鐵趁熱』。）」
周奕瑋預算有限終選擇大阪西區
至於「地利」方面，周奕瑋自言心水是心齋橋南船場一帶的文青區，惜錢銀預算有限，最後選擇交通及生活方便的大阪西區一帶、大正駅附近：「嚟呢區嘅第一日，就遇上個好靚嘅日落、第二次去嗰陣仲睇埋河邊嘅滿開櫻花、河邊又有好Chill嘅餐廳、的確係自己想要嘅環境。」並笑謂作為「I人（ISFJ人格，即守衛者人格）」，無須放假時都需要Me time收埋自己，「喺呢個小社區舒舒服服散吓步，靜靜地坐喺河邊聽歌、發呆嘅自己、係啱我嘅。」
周奕瑋感激遇上海外物業投資達人
講到「人和」方面，周奕瑋最感激TVB節目《買大阪樓15識》中，遇上FMI至匯投資老闆兼海外物業投資達人Amous和Nicky，令他重啟埋藏多年的買日本樓心願，「以前有諗過，如果第時有錢喺日本買樓，我肯定揀咗東京先，因為話晒東京係我生活過嘅城市，係有種私心嘅。但Amous教識我買大阪樓最大優勢係投資做民宿，呢樣嘢係我從來無諗過嘅，令我多咗個投資嘅眼光睇本身熟悉嘅日本。」他續指，過去只會以工作及旅行角度看日本，自己對金錢的想法亦較保守，只會努力做同一件事儲錢，因此此次算是跳出固有框框，「做演藝工作嘅同時，都學吓搵啲被動收入。話時話，無諗過連投資置業呢方面，自己嘅選擇都係同日本有關。」
周奕瑋入行經歷：
周奕瑋與前新聞主播方健儀做鄰居
最後，周奕瑋又多謝另一名大阪樓業主方健儀（Akina），「本身真係諗住第時飛大阪，就租佢間民宿住吓㗎咋〜點知講講吓，竟然變成買間俾自己去住。呢段時間問咗Akina好多意見同經驗心得，係咁煩住你唔好意思，嚟緊可能再煩你多啲，因為我哋做鄰居喇〜」雖然今次掏出儲蓄多年的身家作投資，但周奕瑋認為自己「大個仔」，是時候「試上一層樓」及找一些被動收入，他笑稱：「所以嚟緊我會提自己慳啲錢、再努力工作賺錢，出年收樓嗰陣，就可以飛去住吓自己間屋喇，Wow~~」
FMI至匯投資助客戶物色海外樓盤
FMI至匯投資是一間綜合性地產投資公司，業務範圍涵蓋海外樓盤物業項目開發、共同開發、項目投資、物業管理及物業代理。而旗下擁有豐富經驗及可靠的團隊，憑着地產投資的專業知識，對國際物業市埸動向及最新資訊瞭如指掌，務求為投資者物色具升值潛力的海外樓盤，讓客戶身處香港，也可輕鬆買賣或租賃海外樓盤及物業，坐享理想回報。
其他文章：
萬千星輝頒獎典禮2023｜周奕瑋奪最佳男主持 學霸級日本達人去年台慶展現驚人記憶力 原來靠睡前記憶法
獨家丨周奕瑋力推平到喊250蚊OMAKASE 《周遊關西》搜羅CP值高好去處搶收視
兩個日本通玩盡東京 周奕瑋爆陳嘉慧《First Love》上腦
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca
