下周三踏入39歲的陳嘉佳(細細粒)高峰期體重達286磅，擁40G「大騎樓」之餘，更孭住超過43吋的巨型水桶腰，長期擋住視線，企直永遠望唔到腳趾，自己知自己事，多年來都冇勇氣着泳衣。瞓身激減10個月，厚切細細粒終變薄切，更於牛一前夕心血來潮影了一輯泳衣相，相中細細粒終於見返條腰，開始減肥後首先瘦的雙腿更加纖幼。細細粒最新體重143磅，更開心自爆三圍36E、29、36，上圍仲Keep到，恭喜晒。採訪：方騫平

減肥前有40G「大騎樓」。

143磅的細細粒瀟灑騎上馬背。

38歲變咗索女。

細細粒大晒成世女冇見過的完美下顎線。

下周3迎來39歲生日。

兩個月前細細粒公開超靚體檢報告，更開心爆喊。

最開心喺40歲前完成咗一個心願：『嘩！細細粒都可以瘦喎！』

展示回復正常嘅體檢報告。

古代肥嘟嘟美女。

未減肥前衣服包都實都見周身肉。

拜拜肥妹階段。

體重高峰期達286磅，巨腩好嚇人。

腰圍達43吋。

減肥前係河馬身形。

一日食超過5餐。

愛食甜品。

陳嘉佳為記錄減肥成果，每個時段都會影低當時的身形，成功搣走之前體重的一半共143磅的她，着上黑色連身阿婆泳衣更加顯瘦，配上奀瘦手腳，視覺上將整個人拉長，好彩保得住上圍，3吋深坑事業線好突出。不過細細粒仍未滿意，嫌自己仲係好「大隻」，生日前未去到24腰及132磅：「現階段最開心見到成世女冇見過嘅完美下顎線；而且上圍又唔算好縮水，減肥後仲保持有E cup㗎，都唔錯。」

細細粒着阿婆泳衣晒超Deep事業線，明顯可見巨腩消失，更因雙腿纖幼，視覺上拉長咗成個人。

細細粒見到啲骨。 ​

從背後可清楚見到細細粒的肩胛骨，如神蹟一樣。

快速激減皮膚鬆又皺
細細粒表示會再減多少少，做啲力量型運動去收靚身形：「𠵱家冇乜上磅，唔係追數字而係追線條，的確減咗太多喇，啲皮又鬆又皺，暫時唔敢着比堅尼，就算最新三圍數字36E、29、36都未係最準確，因為啲皮層佔好多吋數，要收緊晒啲厚皮先度得啱。𠵱家我着緊人生第2條長牛仔褲，係買28吋褲頭，不過，我新陳代謝快，好大汗又怕熱，焗住雙腿感覺唔太好。」她指減咗10個月學會節制食量，飲食習慣已打回原形，雪糕、炸雞、澱粉質(只能佔30%)乜都食，食完翌日再減量。

由加加大碼變中碼，皮膚難免會鬆馳。

出現有橙皮紋。

細細粒減肥後終可着上人生第2條長牛仔褲。

細細粒唔LIKE着黑牛。

細細粒返港陪媽媽，唔忍口照食甜品。

之前喺澳洲做直播時食海鮮食得好開心。

放肆食榴槤。

細細粒唔戒口食薯條及漢堡包。

唔介意被批身形古怪
對於減肥後被笑頭大身細腳又幼，身形古怪如卡通人，細細粒零介懷更風騷說：「傻豬，腳瘦咪仲靚，好彩腳幼咋，否則點覺得我有瘦過呀？唔好咁介意別人嘅眼光啦，係為自己而活嘅。6月我開始做運動，希望條腰瘦啲，咁樣就會更突顯三圍。其實條腰肥咗咁多年，邊得咁易瘦吖？」至於有冇覺得減磅後索咗？她笑言：「都39歲人啦仲靚乜鬼，不過，精神好咗，面色好好，冇論論盡盡，而且會少咗啲尷尬事，如去服裝店得唔到service，售貨員睇死你買唔到嘢。」她又突爆陳年不公平事件，「細個同朋友一齊食飯，話我大食要夾多份錢。」

雙腿纖幼，瘦到見骨。

網民擔心她暴瘦後嘅健康問題。

變可愛甜妹。

變索後唔知有冇追求者呢？

重現迷人鎖骨。

減肥後似13歲時樣貌。

14歲已變小肥。

曾被王祖藍拉入減肥營減肥。

減肥前精神不佳。

售健康產品收入大減
另外，細細粒坦言減肥後，做直播帶貨收入明顯少咗：「要顧及跟緊我減肥嘅人，怕佢哋會誤解，以為減肥時可以食零食，所以唔會推售雪糕、薯片、朱古力，只能出售零糖低脂嘅健康產品，選擇種類受到局限，而且反應一定冇食播咁好。」她估計最快明年就可以恢復Sell零食，「到時跟我減肥嘅都應該減到，暫時搵少啲唔緊要啦，又唔係樣樣睇錢，呢一年分享我嘅健康生活都幾正能量，所以近期開咗『細細粒健康生活官方網店』，分享食開嘅健康產品及減肥進展，希望有多啲follower，幫到決心減肥嘅人。」至於39歲生日願望會否想搵另一半？她強調仲有好多目標未達成：「王祖藍講咗幾年話做媒，佢有筍盤會介紹，緣份天注定，不可強求，我反而想好好做事，事業更上一層樓，最開心喺40歲前完成咗一個心願：『嘩！細細粒都可以瘦喎！』係呀！我真係做到喇。」

變索嘅細細粒等王祖藍介紹筍盤。

喺減肥期內細細粒唔敢喺直播帶貨中力推薯片零食。

𠵱家食嘢有節制，唔再暴風式吸入。

開設官方網站幫助同路人。

會食椰菜花飯瘦身餐。

為向減肥網友交代，帶貨只Sell健康產品。

以前做食播較受客戶歡迎。

串燒正。

可以食晒成大碟甜品。

當日售買大閘蟹勁好生意。

之前在澳洲被網民捕獲。

𠵱家氣息都好咗。

減肥後步履輕盈。

至今體重還未達標。

去年6月開始減肥。

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow