樂施會將於11月舉行「樂施毅行者」，並首設40公里賽事，C AllStar成員之一的梁釗峰今日（27日）出席記者會時指，自己近年已轉跑山路，早前亦錯過與安仔參加的機會，故作為樂施大使亦銳意參加今年毅行者，正招攬跑友參加，但笑言C AllStar四子「冇可能」一起組隊參賽，更指安仔大呻參加毅行者好辛苦、好攰、好眼瞓，現只能另外再覓跑友共同進退，希望能一起經歷特別的回憶。
相關閱讀：杜德偉20年後重聚林志穎好感動 恨紅館開騷呻極難排期 李幸倪梁釗峰籲行善助人
釗峰分享近年才轉跑山，「跑山好恐怖啊呢個名字，但其實係越野跑囉基本上，就唔係路跑，有好多好趣嘅，例如可以睇風景，佢係唔同嘅鍛鍊嚟，同埋我覺得香港呢個地方係好適合跑山，因為好快由市區去到一個山點，係好快嘅，而毅行者就係麥理浩徑，所有路段係好fine、好安全，亦都好正。」而他亦分享去年開始跑山賽的經驗：「係好難忘，嗰個係即刻想同我媽講我得咗。因為平時我都有跑開山，可能大概8-16公里呢啲距離，我見到都好想搵嘢挑戰下自己，咁我就報名參加。由乜都唔識開始，原來要帶pole嘅，即係要行山杖，原來啲鞋係要咁嘅。山賽一定辛苦㗎喇，但你點樣面對，同你得到啲乜嘢，有時候係會上癮。」
相關閱讀：釗峰面對現實諗生仔 互相鼓勵唔怕C AllStar各為其主
釗峰向友人推廣跑山
釗峰更表示不時會跟友人推廣跑山，亦會跟幾位好友一起跑山：「頂多係一兩個，真係嘅老實講，我真係好少可係一大班人跑山，呢個係我暫時嘅目標，就係搵多啲friend，因為我唔定時呢，即係人哋得嘅時間我未必得，vice versa。」至於會否想做跑會？他表示：「有嘅，同埋跑會除咗跑之外，仲可以籌集到一班人去做一啲嘢，我未諗到，可能有啲更有意義嘅嘢可以做得到，跑會係可以有個team spirit。」並指會着手籌備跑會。
釗峰歎C Allstar難合體參加毅行
說到參加毅行者，釗峰亦表示：「其實今年真係好好，好似為我而設咁，我可以選擇100km/ 40km，其實user-friendly啲，你問我，我就睇下根據我嘅工作schedule同訓練狀態睇下點，因為我都唔想好似睇阿雪咁，有意外又受傷。同埋我覺得緊要嘅係，唔係淨係一個跑，4個人肩並肩，你要對得住自己隊友訓練囉，但我就覺得點都會挑戰，做得樂施大使。」之前釗峰參加毅行，曾有機會C Allstar隊友陳健安同一隊，但最終未能成事，「佢同我講毅行好辛苦㗎，但係都memorable，值得參加嘅。」不過釗峰卻表示想C Allstar四子一起參加，是不可能的事：「安仔係最有可能㗎喇，咁但係我哋嘅共同hobbies係打籃球，山路就⋯⋯我有問過㗎，但就真炆⋯⋯好老實，真係⋯⋯（平時有冇問過？）冇啊，join唔到啊，大家作息又唔同，咁可能真係啲⋯⋯物色緊，係一個共同經歷嘅體驗。」
釗峰分享前期準備最緊要是有訓練的schedule：「因為我聽聞上次嘅經驗，即係安仔跑嗰次，有人會起水泡，有人係會唔舒服，攞返呢啲經驗去揀啲好嘅鞋先啦，然後比啲好嘅gear，同埋就係籌款，毅得就係籌款，同埋有support team，好多嘢要準備啊，諗下諗下就……就support下囉，科水囉，直接科水囉。迫佢先，肯唔肯（跑）？唔肯唔緊要，科水囉。」
釗峰將出發去尼泊爾
說到近期的工作計劃，釗峰透露即將出新歌及準備舞台劇，接下來6月底跟樂施會到尼泊爾：「去一段時間，因為除咗扶貧嘅嘢，要去睇樂施會嘅工作如何啦，仲要因為尼泊爾喺2015年地震過，我哋就會睇返15年震後重建嘅嘢，同埋點樣防範天災。因為尼泊爾始終都係好窮，但佢哋精神嘅富足係好好，因為佢佢哋有宗教信仰又成，同埋我未試過去尼泊爾，我就做足準備打齊針，同埋預咗有好多高山呢個trip，會睇驗一下。」釗峰期待可以有深刻的體會，但他透露，自己早年去西藏時，曾出現高山反應，但高山反應難以預備，一旦不適只能硬着頭皮死撐，「半途而廢唔係我個人」，得到的體會有機會加入創作。
其他文章：
梁釗峰透過連載劇場推4首新歌 已移民前經理人突現身超感動眼濕濕
On仔@C ALLStar自封「樂壇萬能插」 與Dear Jane開騷做騷肌擔當
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
由即日起至5月27日，參加《星島申訴王》「港人置業意向」問卷調查，即有機會贏走香港迪士尼樂園門票2張或SMARTECH智能煮食鍋！ https://bit.ly/3V7t3o7
追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca
