柳應廷（Jer）的《一首歌的時間》Project，繼岑寧兒後，今次邀得《約齊靈魂在墳墓開生日派對》的作曲人馮允謙（Jay），今次除了與Jer一同演繹這首新歌外，他自己亦帶來新歌《在愛面前投降》，歌曲同樣難唱，結果二人在錄音室拍攝一Take過版本時，彷如上演一場高音比試挑戰。

Jay表示3年前已經好想寫隻歌俾Jer，一直等，𠵱家終於有機會！

Jay寫了新歌給Jer後，被花姐問：「點解唔Keep返俾自己？」

兩人上一次合作已是3年前的網上音樂會，Jay坦言今次見到Jer的轉變，就是多了好多信心！

Jer亦看到Jay的轉變，指Jay寫的曲風愈來愈有層次和味道。

Jay親自解說創作此歌背後鮮為人知的故事：「3年前已經好想寫隻歌俾Jer，一直等，𠵱家終於有機會。Jer一做起Send首歌俾我，我就有啲羨慕，有Carl叔叔編曲，將一啲唔同元素放咗落去，例如The Beatles，感覺好實驗性，再加上你嘅Vocal，令到隻歌真係Belong to you。」Jer笑言一直想找Jay寫歌，因對方很有實力、作品超級出色，腦海中設想Jay創作的歌一定好難唱，於是用了大段時間去揣摩。Jay又續道：「我公司聽完首歌問我，點解呢隻歌你自己唔Keep？就連花姐都問我點解唔Keep返俾自己，不過寫歌係一樣好Personal嘅嘢，同埋真係要聽到artist把聲喺我個腦裏面，呢首歌一諗就諗到你。」Jer表示：「我好用心去唱，因為聽旋律就知道真係會好好聽，所以真係要俾心機，唔可以得失你呢首歌！」

兩人上一次合作已是3年前的網上音樂會，今次在Studio合作，Jay坦言見到Jer的轉變：「多咗好多信心，因為3年前第一次合作嘅時候，Feel到你有啲緊張，但𠵱家絕對係Relax。」Jer則偷偷表示：「𠵱家係識得喺緊張嘅時候扮唔緊張，其實內心都好緊張。」而Jer亦看到Jay的轉變：「佢寫嘅曲風愈嚟愈有層次同埋味道，特別係佢幫我寫嘅新歌，係好好！」Jay隨即𢱑撈：「你都唱得好好，搵我多啲寫歌可以嗎？」Jer即爽表示爭首R&B！