TVB助理總經理（藝員管理及發展）及邵氏電影執行董事及總經理樂易玲今日65歲生日，昨晚廣邀藝人出席生日會，派對上星光熠熠，場面比台慶更耀眼，除「視帝」陳山聰、「視后」林夏薇參與其中外，連已離巢，𠵱家憑《九龍城寨之圍城》紅到爆嘅林峯及「新聞女王視后」佘詩曼都畀面現身，49歲「Man姐」穿上單肩裝，高貴大方搶盡風頭。
阿佘勁靚呀。
林峯及林夏薇結伴同行。
陳山聰、吳卓羲、胡定欣聚頭。
昨晚樂易玲在灣仔一間意大利菜館搞生日派對。
謝天華崔建邦浮浮離場
生日會上還有愛將吳卓羲；樂小姐親自欽點力捧嘅「TVB小花」羅毓儀、陳曉華；「中1、2生」周吉佩、羅啟豪、吳大強、譚輝智、顏米羔、梁浩賢、劉威煌；「星夢小花」鍾柔美、詹天文，但唔見瘋狂被傳「忘本」離巢嘅炎明熹；另外謝東閔、林正峰、林盛斌、鄭俊弘、袁偉豪夫婦、姚子羚、蔡潔、馮盈盈、胡定欣、羅子溢、麥明詩夫婦、謝天華等也有到賀。林峯手挽連卡佛紙袋入場，同行嘅林夏薇身穿黑色露肩連身裙，挽住6位數字嘅Hermès Birkin Bag，一身闊太打扮出現；梁競徽同樣也手持賀禮現身。當晚壽星女切蛋糕切到手軟，滿場飛招呼朋友開心到爆；而謝天華及崔建邦凌晨離場時步履不穩，玩得相當盡情。直至凌晨2時多，TVB透過公關向在場守候傳媒交代，表示飲醉嘅人都喺後門閃走喇。
樂小姐點名力捧嘅「小花」陳曉華。
謝東閔單拖現身，冇預已離嘅朱智賢。
新紮小生林正峰。
阿BOB咁識做人，一定參與畀面派對。
曾比特和女友結伴前往。
戴祖儀及黎諾懿急急腳「報到」。
兒子吳偉豪咁得寵，吳大強點都要嚟打招呼。
「中1、2生」周吉佩、譚輝智、顏米羔、梁浩賢、劉威煌等。
林峯手挽連卡佛紙袋入場，林夏薇則晒「行頭」。
何雁詩要留家湊仔，鄭俊弘單拖赴會。
斷崖式衰老嘅袁偉豪跟老婆張寶兒及姚子羚合照。
蔡潔係樂小姐愛將。
馮盈盈好驚樂易玲。
吉吉撇低妻兒子女去生日會。
羅子溢近年有唔少機會。
「星夢小花」有鍾柔美、詹天文，但唔見瘋狂被傳「忘本」離巢嘅炎明熹。
但唔見炎明熹。(資料圖片)
新婚嘅關楚耀撇下老婆，未玩先興奮。
百鳴哥都好趕吓喎。
陳敏之、孔德賢有傾有講。
已離巢嘅麥明詩帶埋老公盛勁為識人。
周國豐、羅啟豪、周吉佩、吳大強、譚輝智、顏米羔、梁浩賢、劉威煌開心歡聚。
「星夢」學員。
張馳豪（Aska）憑超級靚聲、俊朗外表，以及一米八五的高䠷身型引起網民留意。
梁競徽好襟撈。
雙手插袋嘅謝天華飲到醉醉地。
崔建邦玩到凌晨離場時步履不穩。
林子善都好盡興。
葉蒨文及羅毓儀係上位「小花」。
>>>訂閱CCUE YouTube 頻道，查看更多吃喝玩樂、生活資訊影片。
追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca
追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca
