Anson Kong（江爗生AK）一連兩場個人演唱會，前晚（30日）假亞博舉行尾場，AK在台上哽咽自認百厭帶來麻煩，多謝MIRROR隊友為他撥亂反正。對於隊友Frankie與女友合力在社交網「捉鬼」，AK不知亦不評論，坦言不關自己事，不知誰是鬼，亦無刻意邀兩人睇騷，因由公司安排。
是夜捧場嘉賓有MIRROR隊友Lokman、Ian及Jeremy，何啟華與林愷鈴等。AK除了繼續獲高瀨統也及RubberBand撐場外，更有隊友Tiger任嘉賓，演唱會尾聲，AK感性表示要多謝身邊一班好好的隊友：「喺我最亂嘅時候撥亂反正，知道有時我好百厭，俾好多麻煩大家，多謝大家一直咁愛我對我咁好。」
完騷後，AK受訪時被問到有否請隊友Frankie睇騷？他指每個兄弟開騷時，公司會在群組問誰來看，但自己沒理會所以不知誰來看。問有否請跟他傳緋聞的沈殷怡？AK說：「大家同公司，自己解決。」
提到隊友Frankie日前生日，AK指有跟對方講生日快樂，但沒刻意問他與女友是否來睇騷。說到對方女友Christy發文稱與男友設局「捉鬼」，AK說：「現時講先知，我冇睇到。（覺得被拖落水？）唔再評論，始終唔關我事。」Christy指有人想整死MIRROR與Frankie，AK說：「我真係唔知，冇話死唔死，人未死大把路行。（估唔估到邊個係鬼？）真係唔知，答你唔到。」
聞Edan林明禎緋聞大反應
談到呂爵安（Edan）與林明禎傳緋聞，AK大反應反問：「我哋個Edan？！林明禎？！Are you sure？（做乜咁大反應？）fact check咗未？林明禎喎！（你女神？）大家嘅女神。」