唱作新人張運兒（Yoona）曾被父母反對入行，更訂下2年契約，全靠李幸倪（Gin Lee）選唱她創作的《告別煤氣燈》，才能安心做歌手。她本是K-pop迷，希望似韓國女團Apink成員鄭恩地一樣做全能藝人。採訪：杜杜 形象:@natalietang 髮型:@c.tmmakeup 化妝:@deepmakeup

Yoona自細就愛唱歌跳舞，她預告將會推出跳唱歌。

張運兒出道作《Hallucinate》，講創作面對AI挑戰。

Yoona自細對藝術有興趣，為令父母安心，在港大選讀社會工作及行政學系，「佢哋好擔心我將來，想我讀書時揀個有牌嘅工作，畢咗業有專業資格。」到大學最後1年，她幫朋友演繹《第四屆敢作敢唱原創歌曲比賽》參賽歌奪亞軍入行，令父母好擔心，「我好想搵自己理想，成日同父母嘈，傾咗好耐，佢哋畀2年時間我去追夢，發展唔好就搵份穩定嘅工。」

出道作《Hallucinate》MV，Yoona瞓身演出。

Yoona首次拍MV，考演技是最大挑戰。

想做全能藝人

在《愛得太遲》作曲人兼老闆楊鎮邦悉心栽培下，Yoona跟他合力創作的《告別煤氣燈》獲Gin Lee選唱，「首歌2022年寫，聽到英皇hold咗已經好開心，知Gin Lee唱真係眼都凸埋，到Gin Lee post咗demo出嚟，聽到我把聲出現喺佢ig真係超正，好神奇，我嘅心血會成為佢嘅作品。」此作一出，她跟父母的2年之約亦得以解除，「好似踏出一大步，畀屋企人知有啲嘢做到出嚟。」

2022年，Yoona跟朋友參加《第四屆敢作敢唱原創歌曲比賽》獲得亞軍。

Yoona感激老闆楊鎮邦提攜及悉心栽培。

有歌手選唱自己創作，公司亦安排Yoona以唱作歌手出道，她坦認本身是怕醜底會擔心，「好彩公司有安排我表演，多咗自信，唱返自己作品又係另一種滿足感，可以表達到真實情緒同諗法畀人知。」新歌《Hallucinate》講創作面對AI挑戰，「作為啱啱出道唱作歌手，就面臨被AI取代嘅危機，係我最近好大嘅感受。」作為K-pop迷，她視韓星鄭恩地為奮鬥目標，「佢做劇集女主角、唱歌同做綜藝都超好，我夢想成為同佢一樣嘅藝人，將來有機會同佢同台演出就更加正啦！不過我知係漫長嘅路。」

Yoona出道前，已有不少自彈自唱演出經驗。

勁迷K-pop的Yoona，暑假曾到韓國大學讀韓文。

偶像鄭恩地每次來港，Yoona都會到場支持及睇騷。