「典型」 一家真複雜，「阿媽」成日拎住兩個仔嚟威脅「典型」，目的係要佢努力搵錢畀自己揮霍 。最近啲細路都開始拍拖，「大仔」因為參加訓練班，鍾意咗比自己大30年嘅老師，兩個人偷偷摸摸，但點知都畀「阿媽」發現，梗係激到生蝦咁跳，同老竇一樣喜歡媾姐姐。

相關閱讀：星8卦丨「乖巧」人前人後兩個樣 埋怨公司推job錯失攞獎機會

作為「阿媽」又好難話唔嬲，大咁多又點會長遠吖，於是初時由勸去到鬧，日日家嘈屋閉，所以「大仔」都怕咗，應承「阿媽」兩個人唔再來往，但背後就梗係越阻越愛啦，「大仔」仲同老師講呢世只會愛佢一個人，到自己有能力一定娶佢。「阿媽」 最後就梗係發覺，繼續玩埋死又點啫，「大仔」冇你咁好氣，「阿媽」惟有出最後一招經濟封鎖，諗住斷水斷糧就會令老師知難而退，如果你要養埋自己個仔都無辦法，相信無女人會咁蠢啫！

但峰迴路轉嘅係，老竇喺呢個時候出手，你唔畀阿仔錢咩？老竇有，畢竟你阿媽啲錢都係我畀，你斷阿仔糧，我咪唔畀家用囉，而且私底下同「大仔」講，唔緊要，你想愛就愛，老竇支持你，因為大家都係過來人！今次「阿媽」知道做乜都冇用，唯有學識放手，無眼睇！

其他文章：

星8卦丨「敗家」痴迷「平凡」 「正室」靠老爺度橋捉姦保住頭家

 

>>>訂閱CCUE YouTube 頻道，查看更多吃喝玩樂、生活資訊影片。

追蹤CCUE社交媒體，獲得更多吃喝玩樂生活資訊：
Instagram：https://www.instagram.com/ccue.ca/
Facebook：https://www.facebook.com/ccue.ca