由劉俊謙（阿謙）、董瑋（Dee哥）、伍允龍（Philip）、蔡思韵主演的電影《武替道》將於9月26日上映。電影未上畫，先獲各地電影節關注，一連入選四個海外影展，包括：第44屆夏威夷國際電影節、 香港國際電影節「⁠香港電影新動力2024 光影浪潮」東京站、大阪站以及福岡站。當中 10月上旬舉辦的夏威夷國際電影節，導演Albert及Herbert更會親自飛抵當地參與！《武替道》日前9月10日率先舉行群星友好場，收穫大量觀眾好評，電影隨即宣布加開本周末及中秋節優先場！

劉俊謙（阿謙）今次在戲中飾演一位對港產動作片，充滿熱誠的年輕武師李世龍。

董瑋、伍允龍

阿謙難忘的戲份就有六層高的跳樓戲，拍攝時都有點膽戰心驚。

除了跳樓戲，阿謙還有好多打鬥場面。

阿謙成功克服恐懼，更連拍幾次跳樓場面，他指最辛苦是一班手足！

今日電影亦同步推出的還有電影主海報、正式預告，以及最新的電影製作特輯：「演員篇」，幾位主角率先披露戲中重要場面。劉俊謙（阿謙）今次在戲中飾演一位對港產動作片，充滿熱誠的年輕武師李世龍，戲中自然要應付多場動作戲，當中一場就挑戰在油麻地鬧市拍攝槍戰，阿謙對於當日武師團隊效率極為欣賞：「電影預算所限，嗰朝基本上好短時間就完成一整場槍戰戲，一個上晝就拍咗差唔多超過100個鏡頭，好難忘嘅係自己從未試過喺咁短時間內完成，非常好彩嘅就係我哋連汽車撞裝修架，都係能夠一take完成，而且冇人受傷。」

另一場令阿謙難忘的戲份就有六層高的跳樓戲，拍攝時都有點膽戰心驚：「我本身就冇畏高，但企上六樓拍攝都有啲怯，因為就算有『威吔』吊住，始終自己人生都冇試過企喺大廈嘅邊邊，望住樓下咁高然後之後自己要跳落去。」阿謙成功克服恐懼，更連拍幾次跳樓場面，他指最辛苦是一班手足：「我就咁跳落去都係做少少跳樓反應，最難嘅反而係啲拉『威吔』嘅師兄，即係點樣放『威吔』啊，『威吔』放到去邊度要勒住拉啊。」

劉俊謙、董瑋

董瑋細心留意每個鏡頭。

武替道

劉俊謙好博命！

劉俊謙繼今年《九龍城寨之圍城》後，再度拍攝打戲！

戲中飾演「森哥」的Dee哥亦都挑戰自我拍攝跳樓戲，他跟阿謙不約而同認為最辛苦是一班拉「威也」的手足。今年踏入70歲的Dee哥透露拍攝前自己都有點怯，皆因這次是他廿八年來再度「吊威也」，但最後只需3take就完成拍攝，他說：「喺條件有限之下，都無咩辦法去試或者夾啊，仲有一個原因，就係真係好『很』高啦，試一次驚一次啦咁，咁不如直接演啦。」他又憶述上一次吊威也已經超過20年，當年擔任武指的他跟劇組到內地拍戲，臨時拉伕要被「吊威也」：「當時因為要拍一個比較複雜嘅鏡頭，要吊住『威也』去拍攝要揸機 hand held（徒手持機拍攝），又因為係臨時決定去拍呢個鏡頭，而當時我哋器材方面，冇一啲叫做陀螺儀嘅物體，或者係而家較好嘅器材，咁就一定要有個攝影師吊喺空中拍，咁冇理由叫個攝影師上去㗎，咁就唯有我自己揸機，畀啲手足吊我上去拍啦。」